Ձեր վստահելի աղբյուրը

ԱԺ-ն շարունակում է արտահերթ նիստը. քննարկվում է ՍԴ նախագահին և դատավորներին փոխարինելու օրինագիծը:

«Իմ քայլը» խմբակցության պատգամավոր Նազելի Բաղդասարյանը խոսելով օրինագծի մասին՝ ասաց., որ թևակոխել են մեկ պատմական փուլ, երբ օրենքի տառն ու ոգին համապատասխանեցնելով, սահմանադրի կամքն արտահայտած հոդվածները կիրառում են ըստ էության:

«Ցավում եմ, որ նախորդող օրերին ահաբեկում էին կառավարության ներկայացուցիչներին, որ մենք փորձում ենք սահմանադրական կարգ տապալել: Ոչ, մենք վերադարձնում ենք սահմանադրին և սահմանադրությանն իր ոգին և համատարիմ ենք մնում որդեգրած սկզբունքներին»: 

Անդրադառնալով Վենետիկի հանձնաժողովի կողմից տրված գնահատականին ՝ Բաղդասարյանը, մասնավորապես, նշեց.

«Թեև Հայաստանն ինքնիշխան պետություն է, բայց խորհրդատվության համար դիմել ենք Վենետիկի հանձնաժողով: Միջազգային գործնկերները ևս հաստատել են, որ ԱԺ-ի կողմից առաջարկված լուծումները  հետապնդում են լեգիտիմ նպատակ: Այսօր մեր քվեարկությամբ վավերացնում ենք մեր մոտեցումներն ու հաստատում, որ ՍԴ ճգնաժամը, որը տևում էր տարիներ, այլևս լուծված է լինելու»: