Ձեր վստահելի աղբյուրը

ԱԺ նիստում Սահմանադրական դատարանի վերաբերյալ նախագծի հիմնական զեկուցող «Իմ քայլը» խմբակցության պատգամավոր Վահագն Հովակիմյանից նույն խմբակցության պատագամավոր Թագուհի Թովմասյանը հարցրեց, քիչ առաջ Վենետիկի հանձնաժողովը ափսոսանք է հայտնել, որ Ազգային Ժողովում նախագիծը ներկայացվում է հանձնաժողովի կողմից կարծիքի հրապարակման օրը և չի համապատասխանում հանձնաժողովի կարծիքում հնչած առաջարկներին։

«Այդ դեպքում ինչո՞ւ էինք սպասում Վենետիկի հանձնաժողովի արձագանքին»,-հարցրեց Թովմասյանը։

Նա հիշեցրեց, որ հանձնաժողովն առաջարկել է պարտադիր կերպով դիմել ՍԴ նախագծի սահմանդրականության հարցը որոշելու համար։

«Այս մասով ի՞նչ ենք անելու, ինչ է սպասվում այս նախագծին»,-հաջորդ հարցը հնչեցրեց պատգամավորը։

Թագուհի Թովմասյանն ընդգծեց նաև, որ Սահմանադրության 73-րդ հոդվածը սահմանում է, որ անձի իրավական վիճակը վաթարացնող օրենքնեն ու իրավական այլ ակտեր հետադարձ ուժ չեն կարող ունենալ։

«Հետևաբար ինչպե՞ս ենք կարողանալու լուծել ՍԴ դատավորների հարցը, որը ըստ տեղեկությունների վերաբերում է հենց երեք հոգու»,-նկատեց պատգամավորը։

Նա նաև հետաքրքրվեց՝ արդյո՞ք նախագծի ընդունումից հետո ՍԴ-ում քվորումի հետ կապված խնդիր չի առաջանա մինչև նոր անդամների նշանակումը։

Ի պատասխան, Վ. Հովակիմյանը շնորհակալություն հայտնեց Վենետիկի հանձնաժողովին շատ արդյունավետ համագործակցության համար։

«Ըստ էության, երկար ձգված համագործակցությունը շատ արդյունավետ է եղել։ Վենետիկի հանձնաժողովը, ըստ էության մոտեցումը, որը դրված է այս նախագծի հիմքում, ըստ որի ՍԴ անդամ դատավորների կարգավիճակը պետք է հավասարեցվի դատավորների կարգավիճակին, ողջունել է։ Հիմնական առանցքի շուրջ, որ կա նախագծում, Վենետիկի հանձնաժողովի հետ գոյություն ունի փոխադարձ ըմբռնում և կոնսենսուս»,-առաջին հարցի մասին ասաց հիմնական զեկուցողը։

Ինչ վերաբերում է կոնսենսուսի իրացման ճանապարհի մոտեցումներին, ապա Վ. Հովակիմյանն ասաց. «Կներեք, բայց էս դեպում մենք շատ շնորհակալ ենք Վենետիկի հանձնաժողովին, շատ արդյունավետ էր, ուղղակի էստեղ որոշակի նրբություններ կան, մենք կիրառում ենք կոնսենսուսի իրացման այն ճանապարհը, որը տվյալ դեպքում նախընտրելի է  մեզ համար՝ հաշվի առնելով ներկա իրողությունը»։

Անդրադառնալով նախագծի սահմանդրականությունը ստուգելու համար ՍԴ դիմելու հանձանժողովի առաջարկին, ապա Վ. Հովակիմյանը նշեց, այժմ քննարկում են նախագիծն  առաջին ընթերցմամբ ընդունելու հարցը, ՍԴ դիմելու հարցին պետք է անդրադառնանան  երկորրդ ընթերցմամբ քվեարկությունից առաջ։

Հիմնական զեկուցողն ասաց, ինչ վերաբերում է իր գործընկերոջ մատնանշած 73-րդ հոդվածին, ապա հետադարձ ուժի խնդիր գոյություն չունի։ Հավատացրեց՝  քվորումի խնդիր էլ ՍԴ-ն չի ունենան։

Պատգամավոր Թագուհի Թովմասյանը պնդեց իր հարցը, իհարկե Վենետիկի հանձնաժողովը խորհրդատվական մարմին է, բայց եթե չպետք է լսեինք նրան, ինչո՞ւ էինք հարցնում։ Հարցն առաջացրեց պատգամավորների ծիծաղը։

«Տիկին Թովմասյան, մենք հենց այդ կարծիքով ենք առաջնորդվում։ Եթե դուք համեմատեք փետրվարի 6-ին հանրաքվեի դրված նախագիծն ու այստեղ քննարկվող նախագիծը, կտեսնեք, որ էական տարբերություն կա։ Այսինքն, մենք Վենետիկի խորհրդատվական կարծիքը, ներկայացրած մոտեցումները հաշվի առնելով՝ այս նախաձեռնությունն ենք ներկայացրել»,-ասաց Հովակիմյանը։