«Դեքսամեթազոն»-ը հնարավոր է օգտագործվի Հայաստանում. Ալեքսանդր Մինյոն

Առողջություն 19:24 22/06/2020 Հայաստան

Մեծ պատիվ է այցելել Հայաստան և աջակցել՝ կորոնավիրուսի համատեքստում: Այս մասին պարետատան նիստից հետո ճեպազրույցի ընթացքում ասաց Ֆրանսիայի Հայաստան ժամանած բժշիշկների թիմի ղեկավար Ալեքսանդր Մինյոնը։

Հիշեցնենք, որ օրերս մի խումբ ֆրանսիացի բժշիկներ եկել են Հայաստան՝ աջակցելու կորոնավիրուսային հիվանդներին:

«Մենք շոյված ենք ընդունելության համար: Որքան հնարավոր էր աջակցել ենք և կիսվել ենք մեր գիտելիքներով: Իմ պատվիրակության ներքո, որը բաղկացած էր տասը հոգուց, ոչ ոք հայ չէր, բայց յուրաքանչյուրն ինչ-որ մի հայի արյան նշույլ ունի իր մեջ: Հաջորդ առաքելությունը կժամանի չորեքշաբթի, որում ներգրավված կլինեն Սփյուռքի հայ համայնքից մասնակիցներ»,- ասաց Ալեքսանդր Մինյոնը:

Ֆրանսիացի բժշկի խոսքով՝ 100 նոր վարակվածներ պատճառով 15 մարդ հայտնվում է հիվանդանոցում, իսկ դրանից հինգը՝ վերակենդանացման բաժանմունքում, երկուսն էլ անպայման մահանում են. «Ահա այսպիսին է հիվանդության դինամիկան»։

Մինյոնը նաև անդրադարձավ հայ մասնագետներին և նոր դեղամիջոցի կիրառմանը.

«Հայաստանում հանդիպած բժիշկները մեծ տպավորություն թողեցին ինձ վրա: Նրանք շատ հոգնած են, ուժասպառ եղած, բայց շարունակում են աշխատել օրնիբուն: Կա նոր լուր ևս. «Դեքսամեթազոն» դեղամիջոցը հնարավոր է օգտագործվի Հայաստանում: Այն կօգնի բուժման պրոցեսում: Ցանկանում եմ Հայաստանին հաջողությամբ պսակել այս գործը»,- ասաց բժիշկը:

ՀՀ վարչապետ Նիկոլ Փաշինյանն էլ հավելեց, որ դեղամիջոցն օգտագործվում է Հայաստանում, սակայն միայն ու միայն բժշկի ցուցումով։ Նա հորդորեց քաղաքացիներին ինքնաբուժությամբ չզբաղվել և առանց բժշկի ցուցմամբ չօգտագործել:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: