Ձեր վստահելի աղբյուրը

Թուրքիայի և Ֆրանսիայի ֆրեգատների միջև տեղի ունեցած միջադեպը վկայում է ՆԱՏՕ-ի «ուղեղի մահվան» մասին, հայտարարել է Ֆրանսիայի նախագահ Էմանուել Մակրոնը:

Մակրոնի խոսքերով, միջադեպն անընդունելի է: Այս մասին գրում է Ria-ն։

Ինչպես ավելի վաղ հայտնել էր France 24-ը, հունիսի 10-ին Լիբիայի ափերից ֆրանսիական ֆրեգատը փորձել էր նավարկել դեպի թուրքական նավ՝ անձնակազմին կասկածելով զենքի մաքսանենգության մեջ: Այդ պահին, ըստ Փարիզի, ևս երեք թուրքական ռազմանավեր թիրախավորել են  ֆրեգատին և հրաժարվել իրականացնել նավի ստուգման պահանջները:

Ֆրանսիան դա համարեց ագրեսիվ պահվածք: Թուրքիան, իր հերթին, մերժեց այդ մեղադրանքները՝ ասելով, որ ֆրանսիական զորքերը վտանգավոր զորավարժություններ են իրականացրել, իսկ թուրքական նավերը ռադարներ են օգտագործել ֆրեգատը դիտարկելու համար:

Հիշեցնենք՝  անցյալ տարի Ֆրանսիայի նախագահը հայտարարեց, որ դաշինքը ամբողջովին կորցրել է համակարգումը ռազմաքաղաքական բլոկում: Մակրոնը նման իրավիճակը որակեց որպես ՆԱՏՕ-ի «ուղեղի մահ», ինչը քննադատաբար ընդունվեց մյուս անդամների կողմից։