Ձեր վստահելի աղբյուրը

Չինաստանը գործարկել է  «Beidou» նավիգացիոն համակարգի վերջին՝ 55-րդ արբանյակը, փոխանցում է «ՏԱՍՍ»-ը։

Մեկնարկն իրականացվել է Սիչանի տիեզերական հարմարանքից (Սիչուան նահանգ) ՝ «Changzheng-3-Bi» մեկնարկային մեքենայի միջոցով (անգլերեն անունը՝ Long March-3B)։

Երրորդ սերնդի (Beidou-3, կամ BDS-1) 30-րդ սարքը գործարկվել է ուղեծիր, ինչը թույլ է տալիս խոսել նախագծի հաջող ավարտի մասին:

Մեկնարկը հեռարձակվել է չինական հանրային հեռուստատեսությամբ: Փորձարկումից հետո արբանյակը կսկսի աշխատել: Համակարգի այլ սարքերի հետ միասին այն թույլ կտա Չինաստանին իրականացնել նավարկություն, դիրքավորում և մի շարք այլ գործողություններ ամբողջ աշխարհում:

2000 թվականից ի վեր Չինաստանը ստեղծում է իր սեփական գլոբալ նավիգացիոն համակարգը, որը նախատեսված է, մասնավորապես, առևտրային նպատակների համար:

Այժմ ուղեծրում առկա է տիեզերանավերի երեք սերունդ (BDS-1, BDS-2 և BDS-3), որոնք, չինացի մասնագետների կարծիքով, հնարավոր են դարձնում ճշգրիտ տեղորոշում իրականացնելը։ Չինաստանից բացի, նմանատիպ համակարգեր ունեն նաև Միացյալ նահանգները (GPS), Ռուսաստանը (GLONASS) և Եվրամիությունը (Galileo):