Ձեր վստահելի աղբյուրը

«Մեր հայրենիքը տնտեսական, քաղաքական և առողջապահական արհավիրքի մեջ է, որի մեղավորը այսօրվա իշխանությունն է»,- հայտարարել է  «Հայրենիք» կուսակցության նախագահ Արթուր Վանեցյանը Գեղարքունիքի մարզկենտրոն Գավառում «Հայրենիք» կուսակցության մարզային գրասենյակի բացման արարողության ժամանակ։

Կուսակցության տարածած հաղորդագրության համաձայն, նա ընդգծել է՝ միայն քննադատելով մեր խնդիրները չեն լուծվելու։

«Մենք պետք է ձևակերպենք պետության զարգացման մեր պատկերացումները, որի հիմքում են անվտանգությունը, զարգացող տնտեսությունը, մեր գիտությունը, կրթությունն ու մշակույթը»,-նշել է  Արթուր Վանեցյանը։

Անդրադառնալով երկրում ծավալված վերջին իրադարձություններին` «Հայրենիք» կուսակցության նախագահն ասել է, որ Հայաստանում հաստատվում է բռնապետություն։

«Նիկոլ Փաշինյանը ձևավորում է միահեծան իշխանություն, կանգ չի առնում ոչնչի առջև, քարուքանդ է անում պետության իրավական անվտանգության հիմքերը, բարոյալքում է մեր հասարակությունը։Նման գործելաոճին օր առաջ պետք է վերջ տրվի։ Դրա համար պետք է համազգային համախմբում, կարող ուժերի կոնսոլիդացիա»,-ընդգծել է կուսակցության նախագահը։

Ամփոփելով հանդիպման արդյունքները` Ա. Վանեցյանը նշել է, որ «Հայրենիքը» պատրաստ է պայքարի, պատրաստ է համախմբման և հաղթանակի։