Ձեր վստահելի աղբյուրը

Բարձրագույն դատական խորհուրդը շարունակում է ՀՀ վերաքննիչ քրեական դատարանի դատավոր Ալեքսանդր Ազարյանի վերաբերյալ կարգապահական գործի քննությունը: Հիշեցնենք, որ կարգապահական վարույթը հարուցվել է արդարադատության նախարար Ռուստամ Բադասյանի կողմից՝ ՀՔԾ պետ Սասուն Խաչատրյանի հաղորդման հիման վրա:

Ա. Ազարյանի պաշտպան Տիգրան Աթանեսյանն ասաց, որ այս կարգապահական վարույթն իր և իր վստահորդի խորին համոզմամբ  բնավ սահմանափակված չէ մի դատական նիստում արված արտահայտությամբ կամ արտահայտություններով։

«Այս կարգապահական վարույթի հիքմում դրված է ավելի մեծ պատմություն, ինչը, մեր համոզմամբ,  այն դարձնում է անկախ դատական համակարգի նկատմամբ բացահայտ և անթաքույց  ճնշման փորձ»,-  նշեց պաշտպանը։

Ըստ նրա, նախապատմության հիմքում դրված է այն հանգամանքը, որ  2018 թ. օգոստոսին Ա. Ազարյանն իր վարույթում քննվող կալանավորման մի գործով  ազատ արձակեց ՀՀ երկրորդ նախագահ Ռոբերտ Քոչարյանին։

«Անգամ առանց ազատ արձակման որոշման տեքստին ծանոթանալու, Հատուկ քննչական ծառայության պետ պարոն Խաչատրյանն այդ որոշումն անվանեց ակնհայտ ապօրինի, քննդատատեց պարոն Ազարյանին, դրանց հետևեց վարչապետի հանրահայտ ելույթը օգոստոսի 17-ին, ևս գնահատականներ տրվեցին դատական համակագին։
Դրանից հետո  սկսեց ՀՔԾ- դատավոր Ազարյան անհասկանալի, օրենքի ոչ մի տառի մեջ չտեղավորվող «մենամարտը»։

Ինչո՞վ էր դա արտահայտվում. ՀՔԾ քննիչները միչդատական վարույթի բոլոր գործերով, որոնք քննվում էին պարոն Ազարյանի վարույթում, անպայման ներկայացնում էին ինքնաբացարկի միջնորդություն, անընդհատ նույն պատճառաբանությամբ՝ պարոն Ազարյանն ունի ինչ-որ  կանխակալ վերաբերմունք իրենց ծառայության  պետի, հետևաբար ծառայության նկտամամբ, չի կարող լինել անկախ, անկողմնակալ դատարան, հետևաբար անպայման ներկայացնում էին ինքնաբացարկի միջնորդություն»,- ասաց Տ. Աթանեսյանը։

Նա ներկայացրեց վիճակագրություն.  վերջին երկու տարվա մեջ Ա. Ազարյանի կողմից կայացված և  հետագայում օրինական ուժի մեջ մտած, կամ չբողոքարկված, կամ վճռաբակ դատարանի կողմից  ուժի մեջ թողնված 7 ակտով կայացվել է որոշում, որով փոփոխվել է առաջին ատյանի դատարանի  որոշումը ի հակառակ ՀՔԾ դիրքորոշման, երեք դատական ակտով  ամփոփոխ է թողնվել առաջին ատյանի  դատարանի որոշումը հօգուտ ՀՔԾ դիրքորոշման։

«Հետևաբար քննիչների բոլոր պնդումներն առ այն, որ պարոն Ազարյանն ունի կանխակալ  դիրքորոշում իրենց կամ իրենց ծառայության նկատմամբ, անհիմն է։ Խոսքն այն մասին է , որ ՀՔԾ-ն պարզապես դժգոհ է մնացել այդ երկու տարի առաջ կայացված որոշումից։ Դա  մեր համոզմունքն է,  իմ կարծիքով, այնքան ակնհայտ է, որ այլ խոսք պարզապես չկա։
Դա հաստատվում է նաև  նրանով, որ նախարարն այդ հաղորդման հիման վրա հարուցել է այս կարգապահական վարույթը»,- ասաց Ա. Ազարյանի պաշտպանը։

Նրա ներկայացմամբ հաղորդումը բավականին բազմադրվագ է։

«Ի՞նչ է սա, պարզապես ցանկություն պարոն Ազարյանի վրա ճնշում գործադրելու, ինչ որ մի տեսակ վրեժխնդիր լինելու։ Բացարձակ  չեմ հասկանում պետական մարմինը դատավորից վրեժխնդիր լինելը։ Անհամատեղելի, անթույլատրելի արտահայտություն է, բայց, ցավոք, սրտի գոյություն ունի»,- ասաց նա։

Տ. Աթանեսյանի խոսքով,   նախարարի կայացրած որոշումը օրինակ է իրավական անորոշության, անհասկանալի է՝ ինչի մասին է  որոշումը, կոնկրետ որ արարքը  վարքագծի որ կանոնն է խախտում։

«Նման պայմաններում ձեզ ուղարկված միջնորդությունը, որ դատավորը չի օգտվել բացատրություն տալու իր իրավունքից, իրականությանը չի համապատասխանում։ Մենք փորձել ենք օգտվել այդ իրավունքից, որը մեզ չի ընձեռվե»,- ասաց փաստաբան Տ.Աթանեսյանը։ 

Տիգրան Աթանեսյանն ասաց, որ Ալեքսանդր Ազարյանը բառացի ասել է՝ «հույս ունեմ, որ քննիչը չէր իջնի ՀՔԾ պետի մակարդակին և չէր քննադատի օրինական ուժի մեջ մտած ակտը»։
«Ի՞նչ կա այս ամենի մեջ, որը ցույց է տալիս անհարգալից վերաբերմունք ինչ-որ մեկի հանդեպ։ Եթե ՀՔԾ պետը թույլ է տալիս կամ հրահանգավորում է  իր քննիչներին անպատեհ անընդհատ ինքնաբացարկի միջնորդությունը ներկայացնել պարոն Ազարյանին, միջնորդությունների մեջ նշել իր կամ քննիչի միջոցով իր ակնհայտ անհամաձայնությունն օրինական ուժի մեջ մտած դատական ակտերի հետ և օրինական ուժի մեջ մտած դատական ակտերի հիմքով ինչ-որ մեղադրանք կառուցել, շատ նորմալ է, որ դատավորը ստանում է  իրավունք իր գնահատականը տալու այդ մոտեցմանը։ Գնահատականը հետևյալն է՝ անձնական  վիրավորանքի մասին չէ, խոսքը պարոն Խաչատրյանի մասնագիտական մոտեցումների, գիտելիքների մասին է այս դեպքերի համար»,- նշեց նա։

Պաշտպանի խոսքով,  եթե ԲԴԽ-ն գտնի, որ Ազարյանը թույլ է տվել կարգապահական խախտում, ապա սա կլինի սառեցնող էֆեկտ ամբողջ դատական համակարգի համար։
«Ինչի՞ մասին է խոսքը։ Բոլորին հասկանալի է, հատապես դատավորների համյանքին,  պարզապես պետք է լուռ մնա դատավորն ու վերջ, ցանկալի է չկայացնեն ակտեր, որոնք եթե հանկարծ ՀՔԾ պետը որակի ապօրինի, ապա դատավորներին կենթարկեն կարգապահական պատասխանատվության», - նշեց Տիգրան Աթանեսյանը։