Եթե Վրաստանը դիմանա սահմանների բացմանը, դա կլինի պատմական իրադարձություն․Թենգիզ Ցերցվաձե

Քաղաքական 11:01 30/06/2020 Տարածաշրջան

Եթե Վրաստանը դիմանա սահմանների բացմանը, դա կլինի պատմական իրադարձություն․Թենգիզ Ցերցվաձե

Կորոնավիրուսի դեպքերի քանակով Վրաստանը շատ երջանիկ է և աշխարհում հազվագյուտ բացառություն,- այս մասին հայտարարել է Թբիլիսիի ինֆեկցիոն հիվանդանոցի տնօրեն, Թենգիզ Ցերցվաձեն: Այս մասին գրում է վրացական Առաջին ալիքը։

Ըստ նրա, եթե մեզ հաջողվի պահպանել այս վիճակը, Վրաստանը աշխարհի համար կդառնա մատնանշվող երկիր:

«Ուր էլ նայեք, կորոնավիրուսով վարակման դեպքերը աճում են: Որոշ երկրներում, հիմնականում Եվրոպայում անկում է նկատվում, սակայն ոչ այնպես ինչպես Վրաստանում: Մեր հարևանությունում դեպքերը չեն նվազում, այլ հակառակը: Ընդամենը հինգ-վեց երկիր կա Եվրոպայում, որտեղ պատկերը գրեթե այնպիսին է, ինչպիսին Վրաստանում: Այդ երկրներն են՝ Հունգարիան, Սլովակիան, Էստոնիան, Լատվիան են: Աշխարհի 30 երկրներում աճ դեպքերի աճ կա, այդ թվում Ուկրաինայում և Անգլիայում:

Ինչ կոլափսի մասին է խոսքը, երբ երկրում գրանցվում է օրեկան մեկ կամ երկու դեպք: Եթե մեզ հաջողվի պահպանել այս վիճակը, ապա Վրաստանը կլինի օազիս, մատնանշվող ողջ աշխարհի համար: Բոլորը զարմանում են, որ Վրաստանում դեպքերի քանակը նվազում է, այն դեպքում, երբ մեր հարևան երկրներում աճում է», – ասել է Ցերցվաձեն:

Նրա խոսքով, Վրաստանում բոլոր պատասխանատու օղակները լավ են աշխատում:

Թենգիզ Ցերցվաձեն նշում է, որ միակ բանը, որը կարող է կոլափս առաջացնել Վրաստանում, միջազգային զբոսաշրջության բացումն է:

«Կոլափս բառը, որն արդեն օգտագործվում է բազմաթիվ երկրներում, մեզ չի սպառնում»,- ասել է Թենգիզ Տերտցվաձեն:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: