Ձեր վստահելի աղբյուրը

Հարավային Կորեան սկսել է  քաղաքացիների շրջանում թեստեր անցկացնել՝ ստուգելու համար նրանց օրգանիզմներում կորոնավիրուսի հակամարմինների առկայության մակարդակը, ինչպես նաև COVID-19- ից անձեռնմխելիությունը, փոխանցում է «Ռիա Նովոստի»-ն՝ հղում տալով երկրի համաճարակային վերահսկողության կենտրոնական շտաբին։

«Սերոլոգիական ուսումնասիրություններ են անցկացվում 3,055 մարդու արյան նմուշների վրա` պարզելու համար, թե որքան մարդ է անձեռնմխելի նոր COVID-19-ի համար», -ասել է կենտրանական շտաբի ներկայացուցիչ Քվոն Չժուն Ուկան:

Նա նաև շեշտել է, որ հակամարմինների ուսումնասիրությունները կկատարվեն ողջ տարվա ընթացքում՝ երկու ամիսը մեկ անգամ, որից հետո արդյունքները կհրապարակվեն։

Նշենք, որ նախորդ մեկ օրվա ընթացքում Հարավային Կորեայում հաստատվել է կորոնավիրուսային հիվանդության 43 նոր դեպք։ Ընդհանուր առմամբ, վարակվածների թիվը հասել է 12, 800-ի, հիվանդությունը հաղթահարել է 11, 537 քաղաքացի, 282 հոգի մահացել է։  Նշվում է, որ երկրում 1,27 միլիոն կորոնավիրուսի թեստ է անցկացվել։