Ձեր վստահելի աղբյուրը

Ուկրաինան, Կանադան, Միացյալ Թագավորությունը, Շվեդիան և Աֆղանստանը համատեղ բանակցելու են Իրանի հետ՝ փոխհատուցելու նրանց, ում հարազատները զոհվեցին Թեհրանի մերձակայքում Ուկրաինական ավիաուղիների ինքնաթիռի խոցման արդյունքում: Այս մասին գրում է DW-ն։

Այս մասին հինգշաբթի, հուլիսի 2-ին, հայտարարեց Շվեդիայի արտգործնախարար Էն Լինդը՝ Ուկրաինայի, Կանադայի, Մեծ Բրիտանիայի և Աֆղանստանի ներկայացուցիչների հետ հանդիպումից հետո: Այս երկրների նախարարները ստորագրել են փոխըմբռնման և համագործակցության հուշագիր՝ փոխհատուցման վճարման վերաբերյալ բանակցություններում, ինչը հաստատել է Ուկրաինայի արտգործնախարար Դմիտրի Կուլեբան:

Էն Լինդը հայտարարել է, որ ինքը «կասկած չունի», որ Իրանը փոխհատուցում կվճարի: Նախկինում նա առաջարկել էր 80 հազար դոլար վճարել զոհվածների ընտանիքներին, Ուկրաինան այդ գումարը համարել էր անբավարար:

Հիշեցնենք, որ Ուկրաինայի միջազգային ավիաընկերության Boeing 737-800 ինքնաթիռը, որը թռչում էր Թեհրանից Կիև, վթարի ենթարկվեց հունվարի 8-ի առավոտյան Իրանի մայրաքաղաքից մեկնելուց անմիջապես հետո: Աղետի զոհ դարձան բոլոր 176 ուղևորները: Թեհրանը պաշտոնապես խոստովանել է, որ ուղևորատար Բոինգը գնդակոծվել է իրանական կողմից՝ սխալմամբ։ Դեպքը տեղի ունեցավ Իրան-Ամերիկա հարաբերությունների լարման պատճառով, երբ սպանվեց իրանցի գեներալ Ղասեմ Սոլեյմանին։