Ձեր վստահելի աղբյուրը

«Իրատես» թերթը գրում է.

«Հարթագյուղում գտնվող Սուրբ Հովհաննես եկեղեցու ուխտագնացության հանգամանքից բարկացած՝ առողջապահության աթեիստ նախարարն այժմ էլ խոսում է գիտակցված, բայց ոչ պարտադրված տոտալ սահմանափակումների մասին:

Չգիտեմ՝ նա բավարար համարձակություն կունենա՞, օրինակ, նախարարների կամ պատգամավորների աշխատասենյակներից լուսանկարներ հրապարակելու, որտեղ վերջիններս, իրար գլխի հավաքված, այս օրերի համար «կենսական նշանակություն ունեցող» Սահմանադրական դատարանի հարցն են քննարկում:

Facebook-ի իր էջում Թորոսյանը հաճախ է այս կամ այն ուխտավայր-սրբատեղիի նկարը տեղադրում ու կիսամուննաթ տոնայնությամբ գրում, թե խախտվել են պարետի որոշումները:

Գիտակցված, բայց չպարտադրված «լոքդաունը», ըստ Թորոսյանի, հետևյալ տեսքը պետք է ունենա՝ աշխատանքի դուրս չգալ, հրաժարվել սրճարաններ ու ռեստորաններ գնալուց (թեև դրանք չեն փակվելու), երեկոյան չզբոսնել, բացառել բոլոր տեսակի արշավներն ու ուխտագնացությունները և այլն:

Կորոնավիրուսը վտանգավոր վիրուս չհամարող, դիմակներ դնել-չդնելու հարցում այդպես էլ չկողմնորոշված նախարարը սակայն չի մանրամասնում՝ իսկ ի՞նչ անեն, օրինակ, այն սրճարանի կամ ռեստորանի տերերը, որ հաճախորդ չեն ունենալու, բայց ստիպված են լինելու հարկ ու տուրք վճարել:

Ինչպե՞ս գոյատևեն զբոսավարները, որ փաստացի անգամ ներգնա տուրիզմ չեն կարող կազմակերպել:

Եվ, առհասարակ, ինչպե՞ս օրվա հաց վաստակել, եթե նախարար չես ու աստղաբաշխական պարգևավճարներ չես ստանում: Երկրի տնտեսությունը, աներկբա, մեկ մարդու հակասական կարծիքի զոհ է դարձել, իսկ մոտալուտ գործազրկությունը ոչ պակաս զոհեր է տալու»:

Մանրամասները թերթի այսօրվա համարում