Ձեր վստահելի աղբյուրը

«Իրատես» թերթը գրում է. «Խորհրդարանական «Իմ քայլը» խմբակցությունում շատերը, որոնք քչից-շատից կայացած են եղել, իրենց գործն են ունեցել, խիստ փոշմանել են, որ պատգամավոր են դարձել. հենց նրանք են, որ հայտնվել են Նիկոլ Փաշինյանի «ցուցակում»` որպես անհնազանդներ:

Վերջիններս, ինչպես նաև «Իմ քայլում» շատերը, շոկի մեջ են հայտնվում, երբ Նիկոլ Փաշինյանն «անկաշկանդ», ադեկվատությունը կորցրած, խմբակցության նիստում ամենավերջին հայհոյանքներն է հնչեցնում, ինչը վերջերս շատ է պատահում հատկապես Սահմանադրական դատարանին առնչվող գործընթացների կապակցությամբ:

Քայլականները պնդում են՝ բացի նրանից, որ Նիկոլ Փաշինյանն անհավասարակշիռ անձ է, նաև դիտմամբ է իրեն այդպես պահում` հատկապես Վահագն Հովակիմյանի, վերջերս էլ՝ Վլադիմիր Վարդանյանի և այլոց նկատմամբ, որպեսզի մնացածները վախենան, «չտզզան»։

Ասում են նաև՝ անհնազանդների բանակը գնալով մեծանում է, իսկ «կոմպրոմատներ» նրանց նկատմամբ այդպես էլ չեն գտնվում. գտնվածներն էլ «տուզիկ» թեմաներով են. զորօրինակ, թե Սոֆյա Հովսեփյանն ինչպես է իրեն տրված գրանտները ծախսել, Վահագն Աթաբեկյանի՝ ծանրոցներ փոխադրող «Կուրյեր» ընկերությունը լուծարվելիս ինչ փոքրիկ կիքսեր է թույլ տվել և այլն»:

Մանրամասները թերթի այսօրվա համարում։