Ձեր վստահելի աղբյուրը

Բժշկական գիտությունների թեկնածու, բժիշկ Եվգենի Տիմակովը հայտնել է, թե ինչու է հուլիսին փոփոխվող եղանակը վտանգավոր և թե ինչու պետք է որոշ մարդիկ սահմանափակեն իրենց՝ տնից դուրս գալը, փոխանցում է «Գազետա.ռու»-ն։

Օդի ճնշման անընդհատ անկումը, բարձր ջերմաստիճանն ու խոնավությունը վտանգավոր են սրտանոթային  և ուղեղանոթային հիվանդություն ունեցող մարդկանց համար»,- ասել է Տիմակովը:

Նա նշել է՝ ավելի լավ է, որ նման հիվանդություններ ունեցող մարդիկ առավոտյան կամ երեկոյան ժամերին զբոսանքի գնան: Բացի այդ, հարկավոր է տանը օդորակիչ ունենալ:

Բժիշկը հիշեցրել է նաև ամռանը հավանական ջերմային ցնցումների վտանգները: Գերտաքացման դեպքում գլուխը սառեցնելու համար մասնագետը խորհուրդ է տվել անընդհատ ջուր խմել և գլուխը շարֆով փակել:

Բացի այդ, Տիմակովը նախազգուշացրել է՝ շոգից անընդհատ քրտնելը վտանգավոր է.

«Այդ դեպքում հագուստը խոնավանում է, և քամու դեպքում սառեցնում մարդուն»։