Ձեր վստահելի աղբյուրը

ԱԺ նախկին նախագահ Արա Բաբլոյանի փաստաբան Արամ Վարդևանյանն այսօրվա դատական նիստում դատարանից պահանջեց դադարեցնել իր պաշտպանյալի նկատմամբ քրեական հետապնդումը։

«Խնդրում ենք, Քրեական օրենսգքրի 308 հոդվածի 2-րդ մասով և 314 հոդվածի 1-ին մասով հարուցված քրեական հետապնդումը Արա Բաբոլյանի նկատմամբ դադարեցնել»,- ասաց փաստաբանը։

Նա ընդգծեց, որ Բաբլոյանին վերագրված գործողությունների իրավական հետևանք չկա։

Միջնորդությանը միացան Արա Բաբլոյանն ու պաշտպանական կողմը։

Հիշեցնենք, որ մեղադրական եզրակացության համաձայն, Արա Բաբլոյանին մեղադրանք է առաջադրվել այն բանի համար, որ նա 2018թ․ հանդիսանալով Հայաստանի Հանրապետության Ազգային ժողովի նախագահը, մշտապես իշխանության ներկայացուցչի գործառույթներ իրականացնող պաշտոնատար անձ չարաշահել է իր պաշտոնեական լիազորությունները, որն անզգուշությամբ առաջացրել է ծանր հետևանքներ, ինչպես նաև կատարել է պաշտոնեական կեղծիք։

Նույն գործով անցնում է նաև ԱԺ աշխատայազմի ղեկավարի նախկին տեղեկալ Արսեն Բաբայանը։

Արսեն Բաբայանին մեղադրանք է առաջադրվել այն բանի համար, որ նա 2018թ․ մարտի 5-ին համատեղության կարգով հանդիսանալով Հայաստանի Հանրապետության Ազգային ժողովի աշխատակազմի ղեկավարի տեղակալի պաշտոնակատարը, օժանդակել է ՀՀ Ազգային ժողովի նախագահ Արա Բաբլոյանին և այլ պաշտոնակատար անձանց՝ իրենց պաշտոնեական լիազորությունները չարաշահելուն, որն անզգուշությամբ առաջացրել է ծանր հետևանքներ, ինչպես նաև կատարել է պաշտոնեական կեղծիք։

Նիստը նախագահող դատավորն է Հարություն Մանուկյանը։