Ձեր վստահելի աղբյուրը

Հուլիսի 6-ին Բեռլինում երկու իսլամիստների կողմից դանակով հարձակման է ենթարկվել Բունդեսթագի աշխատակից, սիրիահայ Գևորգ Ալմասյանը և հազիվ է կարողացել փրկել կյանքը։ Այս մասին գրում է գերմանական Journalisten Watch կայքը։

Նշվում է, որ Գևորգ Ալմասյանը հայ քրիստոնյա է Սիրիայից և փախստական Գերմանիայում: 2018 թվականից Բունդեսթագում աշխատել է AfD-ի պատգամավոր Մարկուս Ֆրոնմայերի օգնական: Նախորդ տարի T-Online-ի գլխավոր խմբագիր Լարս Վիենանդը և սիրիացի իսլամիստ ակտիվիստ Նահլա Օսմանի կողմից Ալմասյանի մասին անձնական տեղեկություններ էին հրապարակվել, որից հետո նա ստանում էր մահվան սպառնալիքներ։

Երկու իսլամիստները փողոցում հարվածել են Ալմասյանին՝ ակնհայտ նպատակ ունենալով սպանել նրան։  Ալմասյանը կարողացել է փախնել, շուրջ 10 րոպե վազել է և օգնություն կանչել: Բեռլինի փողոցում ոչ ոք չի արձագանքել:

Այսօր Ալմասյանն իր թվիթերում գրել է, որ տեղեկացված է, որ գերմանացի լրագրողները, ովքեր իր դեմ արշավ էին սկսել 2019-ի փետրվարին՝ վտանգի ենթարկելով իր կյանքը՝ արմատական իսլամիստներին իր դեմ հանելով, այժմ պատրաստում են նոր զեկույց՝ փորձելով հերքել, որ իր դեմ հուլիսի 6-ին հարձակում է տեղի ունեցել:

Նշվում է, որ այժմ գործը Բեռլինի իրավասու մարմինների ձեռքում է։

I'm informed that the German journalists who started the media campaign against me in Feb. 2019 and exposed my life to danger by turning the radical Islamists against me, are now preparing a new report, in a bid to deny that the attack against me on 6 July happened.

— Kevork Almassian (@KevorkAlmassian) July 10, 2020