Ձեր վստահելի աղբյուրը

«Իրատես» թերթը գրում է. «Երկու տարի առաջ «Ոստիկանը մերն է» լոզունգով «քայլողները» փողոցից եկան իշխանության, ու շատ չանցած պարզվեց, որ «մերոնքական» ոստիկանը պարտավոր է ենթարկվել միայն իշխանության ցանկացած հրահանգի՝ անտեսելով քաղաքացու շահերը։ Այսօր, առավել քան երբևէ, լարվել են ոստիկան-քաղաքացի հարաբերությունները, և այս «դիմակային» առճակատման ֆոնին իրավապահներից շատերի նյարդերը տեղի են տալիս։

Մեր տեղեկություններով, խիստ հրահանգ կա ապահովելու որոշակի տուգանքների չափ, որի համար հանրության թուք ու մուրը վաստակում են շարքային ոստիկանները։

Քաշքշուկներով ուղեկցվող տարբեր միջադեպերից հետո շարքային ոստիկանի գլխին է ջարդվում կուժն ու կուլան, չնայած նա ընդամենը վերադասի հրահանգը կատարողն է։ Այս օրերին շատերն են բողոքում համակարգի ներսում առկա խնդիրներից, անհասկանալի հրահանգներից ու ոստիկանի հանդեպ հանրության շրջանում աճող բացասական վերաբերմունքից»:

Մանրամասները թերթի այսօրվա համարում։