Ձեր վստահելի աղբյուրը

Ամեն տարի ՝ հուլիսի 11-ին, քաղցրի սիրահարները նշում են շոկոլադի համաշխարհային օրը: Այս համեղ տոնը հորինել և առաջին անգամ անցկացրել են ֆրանսիացիները 1995 թվականին:

Կարծիք կա, որ ացտեկներն են առաջինը սովորել, թե ինչպես պատրաստել շոկոլադ: Նրանք այն անվանում էին «աստվածների սնունդ»: Իսպանացի նվաճողները, որոնք առաջին անգամ այն բերեցին  Եվրոպա, քաղցրավենիքը անվանեցին «սև ոսկի» և այն օգտագործում էին ֆիզիկական ուժն ու դիմացկունությունն ամրապնդելու համար:

Ավելի ուշ Եվրոպայում շոկոլադի սպառումը սահմանափակվեց միայն արիստոկրատական շրջանակներով: Միայն 20-րդ դարի սկզբին շոկոլադի արդյունաբերական արտադրությունը սկսելուց հետ ոչ արիստոկրատ մարդիկ կարողացան վայելել այն: Հայտնի կանայք շոկոլադը համարում էին աֆրոդիզակ: Մայր Թերեզան կիրք ուներ շոկոլադի հանդեպ, իսկ տիկին Պոմպադուրը վստահ էր, որ միայն շոկոլադը կարող է բոցավառել կրքի հուրը:

Ինչպես ժամանակակից գիտությունն է պարզել, շոկոլադն ունի տարրեր, որոնք նպաստում են հանգստանալուն և հոգեբանական վերականգնմանը: Շոկոլադի մուգ տեսակները խթանում են էնդորֆինների` երջանկության հորմոնների արտադրմանը, որոնք գործում են հաճույքի կենտրոնի վրա, բարելավում են տրամադրությունը և պահպանում են մարմնի տոնայնությունը:

Կա նաև տեսակետ, որ շոկոլադն ունի «հակաքաղցկեղային» ազդեցություն և ի վիճակի է դանդաղեցնել ծերացումը: Բայց գիտնականները միահամուռ մերժում են մարմնի քաշը նվազեցնելու շոկոլադի ունակությունը:

Ի վերջո, հայտնի է, որ շոկոլադը հարուստ է սննդարար տարրերով, ներառյալ ճարպերով, հետևաբար նաև կալորիաներով: Այնուամենայնիվ, նրանք չեն ժխտում, որ այս քաղցրավենիքը կարող է բարձրացնել աշխարհի բնակչության մեծամասնության տրամադրությունը:

Շոկոլադի օրը, տարբեր երկրներում անցկացվում են փառատոններ և այս քաղցր տոնին նվիրված այլ միջոցառումներ: Հատկապես հետաքրքիր է այդ օրը այցելել ֆաբրիկաները, գործարանները կամ հրուշակեղենների արտադրամասերը, որտեղ արտադրում են շոկոլադ և դրանից պատրաստվող այլ արտադրանքներ: Այստեղ է, որ բոլորին պատմում են, թե ինչպես և ինչից է շոկոլադը պատրաստված, անցկացնում են տարբեր մրցույթներ և համտեսներ, շոկոլադե արտադրանքների ցուցահանդեսներ և նույնիսկ մաստեր-կլասեր, որտեղ ցանկացողները կարող են իրենց զգալ շոկոլադ պատրաստողի դերում: