Ձեր վստահելի աղբյուրը

«The Washington Post»- ին տված հարցազրույցում ԱՄՆ նախագահ Դոնալդ Թրամփն առաջին անգամ խոստովանել է, որ 2018-ին հանձնարարել է քողարկված կիբերհարձակում սկսել Ռուսաստանի Ինտերնետային հետազոտությունների գործակալության վրա: Պարբերականի տարածած տեղեկությունը փոխանցում է «Ինտերֆաքս»-ը:

Ի պատասխան լրագրողի հարցին, թե արդյոք նա կիբերհարձակումը է թույլատրել, Թրամփը ասել է՝ ճիշտ է:

Պարբերականի տեղեկություններով, Ռուսաստանում տեղեկատվության տարածման առաջատարը Ինտերնետային հետազոտությունների գործակալությունն էր, որը դիտարկվում էր որպես 2016 թվականի ԱՄՆ նախագահական ընտրություններին միջամտող կառույց:

Գործակալության այս գործունեությունը շարունակվել էր նաև 2018 թվականի միջանկյալ ընտրություններում:

Թրամփը նշել է, որ իր նախորդը՝ նախագահ Բարաք Օբաման, իմացել է ռուսական գործակալության գործունեության մասին, բայց միջոցներ չի ձեռնարկել՝ հույս ունենալով, որ Դեմոկրատական կուսակցությունից թեկնածու Հիլարի Քլինթոնը կհաղթի ընտրություններում:

Թրամփը բացատրել է, որ ինքը հրահանգել է հարձակում իրականացնել ընտրություններին Ռուսաստանի միջամտության վերաբերյալ հետախուզական տվյալների հիման վրա և ցանկացել է դրանով հարված հասցնելով գործակալության կիբերնետիկ հնարավորություններին:

«Լսեք, և մենք այն դադարեցրինք»,- ասել է ԱՄՆ նախագահը: