Ռուսաստանում սկսվել են առգրավել հայկական պետհամարանիշներով ավտոմեքենաները. «Զա ռուլյոմ» պարբերական
Ռուսներին պատկանող, բայց Հայաստանում գրանցված մեքենաների վրա դրված արգելքը վերաբերում էր 2017-ից 2020 թվականներին ձեռք բերված 200 հազար մեքենային: Գրում է ռուսական «Զա ռուլյոմ» պարբերականը:
«Մինչև վերջերս Ռուսաստանում Հայաստանի պետհամարանիշներով մեքենա ունենալը չի հետապնդվել, բայց վերջերս, ինչպես մաքսային մարմինները, այնպես էլ ճանապարհային ոստիկանությունը սկսեցին պահանջներ ներկայացնել նրանց դեմ: Կարելի է ենթադրել, որ դա պայմանավորված է ոչ միայն սահմանին չվճարված պարտականություններով, այլև ճանապարհային տեսախցիկների միջոցով արձանագրված խախտման դեպքում այդ ավտոմեքենաների անպատժելիությամբ:
2019թ. նոյեմբերին նախկին վարչապետ Դմիտրի Մեդվեդևը Ներքին գործերի, Տրանսպորտի, Արդարադատության նախարարություններին, Դաշնային մաքսային ծառայությանը և ՌԴ ՖԴԲ-ին հանձնարարել էր մշակել խախտումների դեմ պայքարի մեթոդներ: Բայց, ամենայն հավանականությամբ, կարգադրությունը չի կատարվել, փոխարենը որոշվել է արգելք մտցնել»,- ասվում է նյութում:
Հրապարակման համաձայն, Ռուսաստանի Դաշնության օրենքներում հստակ բացատրություն չկա այն մասին, թե արդյոք օրինական է արտասահմանյան համարներով մեքենաների օգտագործումը:
Ըստ «Զա ռուլյոմ»-ի, ԵԱՏՄ երկրների մեքենաները կարող են ազատորեն տեղաշարժվել Ռուսաստանի Դաշնության տարածքում: Եվ մաքսային օրենսդրության մեջ ասված է, որ ԵԱՏՄ տարածքում պաշտոնապես ձեռք բերված տրանսպորտի՝ քաղաքացիների կողմից օգտագործման արգելք չկա:
Այնուամենայնիվ, մաքսային ծառայությունները գտնում են, որ Ռուսաստանի Դաշնության քաղաքացիները մեղադրվում են մաքսային օրենսդրությունը խախտելու մեջ` չմաքսազերծված տրանսպորտային միջոցը օգտագործելու համար:
Դա տեղի է ունեցել 2020 թվականի սկզբին «ԵԱՏՄ-ին Հայաստանի միանալու մասին համաձայնագրի» ընդունումից հետո, որում նշվում է, որ միայն ՀՀ քաղաքացի կամ «Հայաստանի տարածքում մշտապես բնակվող անձը» կարող է տնօրինել Հայաստանում գրանցված ավտոմեքենան: Միևնույն ժամանակ, Ռուսաստանի Դաշնության որևէ օրենքում «մշտական բնակություն» տերմինի սահմանում չկա, գրում է «Զա ռուլյոմ»-ը:
Սկսել են առգրավվել մեքենաները: Կուրգան քաղաքում արդեն նման չորս մեքենա կա։ Ավտոմեքենաների առգրավման ռեյդեր են անցկացվոմ Ուրալի և Խանտի-Մանսիյսկի դաշնային շրջանների ամբողջ տարածքում, Կուրգանում, Տյումենում, Նիժնեվարտովսկում, Չելյաբինսկում։
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
