Ձեր վստահելի աղբյուրը

ԱԺ նախկին պատգամավոր Նաիրիա Կարապետյանն արձագանքել է վարչապետ Նիկոլ Փաշինյանի տիկնոջ՝ Աննա Հակոբյանի խաղաղության կոչին։

«Վարչապետի կինը ծաղիկներով լուսանկար է հրապարակել, որտեղ մի գեղեցիկ դաշտում, զինվորական ոճի բաճկոնով հորդորներ և կոչեր է հղում ադրբեջանցի կանանց և մայրերին, կրկին հավասարության նշաններ դնելով և կրկին զոհերը որակելով հանուն ոչնչի (փոքր ինչ այլ ձևակերպմամբ):

Առաջին հայացքից սա պետք է որ դրական դիտվեր, եթե աչքի չընկներ մեկ մեծ ծրագրի տրամաբանությունը` Ադրբեջանի ղեկավարությունը վատն է, իսկ ժողովուրդը` լավը:

Ոչ, ոչ և էլի ոչ, տիկին Հակոբյան, ցանկացած քայլ պետք է ստանա համրժեք պատասխան, իսկ Դուք Ձեր դիրքն ու ազդեցությունն այլ կերպ օգտագործեք, իրապես օգնեք լարված իրավիճակի թուլացմանը, իրական քայլեր արեք, այս ծայրահեղ լարված իրավիճակում կտրվեք սեփական փիառի և սեփական ծրագրի իրագործումից և լծվեք պետական և ազգային շահերի պաշտպանությանը:

Այլապես սա Ձեր ամուսնու կողմից Ադրբեջանի ժողովրդի հետ խոսելու ցանկության մեկ այլ արտահայտումն է:

Ժողովրդների խաղաղության նախապատրաստելու ժամանակը չէ»,-գրել է Ն. Կարապետյանը։