Հայաստանում հակացուցված է վերընթաց պոչամբարների կառուցումը. Լիլիա Շուշանյան

Քաղաքական 12:14 14/07/2020

Հայաստանում հակացուցված է վերընթաց պոչամբարների կառուցումը. Լիլիա Շուշանյան

«Հայաստանի ամբողջ տարածքը գտնվում է սեյսմիկ ակտիվ գոտում և պոչամբարների ամբարտակների կառուցման մեթոդների հետ կապված բոլոր հետազոտությունները ցույց են տալիս, որ հակացուցված է վերընթաց պոչամբարների կառուցումը նմանատիպ գոտիներում»,- ԱԺ տնտեսական հարցերի մշտական հանձնաժողովի արտահերթ նիստում հայտարարեց տարածքային կառավարման և ենթակառուցվածքների նախարարի տեղակալ Լիլիա Շուշանյանը:

Վերջինս պատասխանեց «Լուսավոր Հայաստան» խմբակցության պատգամավոր Գուրգեն Բաղդասարյանի՝ Հայաստանում գործող պոչամբարների անվտանգության հարցին, երբ քննարկվում էր «ՀՀ ընդերքի մասին օրենսգրքում փոփոխություններ և լրացումներ կատարելու մասի» օրենքի նախագիծը:

Փոխնախարարը հայտնեց, որ մինչև 500 հազար տոննա հզորությամբ հանքերի շահագործման դեպքում նախագծով սահմանված է, որ պետք է կիրառվի չոր պոչերի տեխնոլոգիաները, իսկ վերընթաց պոչամբարները, որոնք նախատեսում են արհեստական պատնեշների կառուցում, ընդհանրապես արգելվելու են: Ըստ Շուշանյանի, ավելի մեծ ծավալների հանքշահագործման դեպքում թույլատրված է վարընթաց պոչամբարների կառուցումը:

Տարածքային կառավարման և ենթակառուցվածքների նախարարի տեղակալ հայտնեց, որ օրենքը հետադարձ ուժ չի ունենալու և չի ազդեելու արդեն գործող պոչամբարների վրա:

Գուրգեն Բաղդասարյանի մտահոգությանը, թե այդ դեպքում ինչպես են ապահովվելու գործող վերընթաց պոչամբարների անվտանգությունը՝ Լիլիա Շուշանյանը նկատեց, որ հարցը մասնակիորեն է գտնվում ՏԿԵ նախարարության լիազորություններում, այդ խնդրում պատասխանատու են ԱԻՆ-ը. Շրջակա միջավայրի նախարարությունը և Քաղաքաշինության պետական կոմիտեն:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: