Ձեր վստահելի աղբյուրը

ՀՀ ազգային ժողովն արտահերթ նստաշրջանի ընթացքում քննարկում է Կենտրոնական բանկի խորհրդի անդամի պաշտոնում «Իմ քայլը» խմբակցության կողմից ներկայացված Հովհաննես Խաչատրյանի թեկնածությունը: Ի  թիվս այլ հարցերի, Խաչատրայնն անդրադարձավ նաև վարկերի էժան տոկոսադրուքների հետ կապված հարցին ՝ ներկայացնելով խնդրի վերաբերյալ իր պատկերացումները:

«Ցանկացած վարկի կամ  ֆինանսական գործիքի տոկոսադրույքը  մի քանի մասերից է բաղկացած: Կա ԿԲ տոկոսադրույք, որը Կենտրոնական բանկը շարունակաբար իջեցրել է՝ նաև համավարակի ընթացքում  ավելի ագրեսիվ տեմպերով: Այն  այս պահին կազմում է 4,5 տոկոս,որը պետական արեժեթղթերի գրավով կարճաժամկետ յոթ օրվա միջոցներ են: Նշված տոկոսադրույքը,  որը պետք է  ի վերջո դառնա վարկերի և ավանդների տոկոսադրույքների իջեցման պատճառ ,այդ փոխանցման մեխանիզմով պետք է գնա: Որոշ մասնագետներ կարծում են, որ ժամանակ է պետք ,պետք է սպասել, բնականաբար մեխանիզմներն իդելական չեն»,-ասաց Խաչատրյանը:

Բանախոսի խոսքով՝ շատ զարգացած տնտեսություններում նույնպես  տոկոսադրույքներն անմիջապես չեն  իջնում, իջնում է մեկ տոկոսով ,քանի որ ռսիկերը մեծ են: Ինչ վերաբերում է Հայաստանին, ապա .

«Տոկոսադրույքները ավելի ցածր լինելու համար  վարկային կորուստների չափը պետք է պակասի: Նաև միջազգային վարկանիշի  բարձրացման  ուղղությամբ պետք է ջանքեր թափվեն: Պետք է ամեն մի քաղաքացի իր վարկային ռիսկը նվազեցնի իր վարքագծով»:

Խաչատրյանը նաև տեղեկացրեց, որ հանդես է գալու նախաձեռնությամբ,որը կկարգավորի  համար վարկային կազմակերպությունների գործունեությունը: Մասնավորապես կլինեն     ֆիզիկական սահմանափակումներ, ինչպես նաև  պատասխանատու վարկավորման ինստիտուտի ներքո կլինեն  ծավալային սահմանափակումներ: