Ձեր վստահելի աղբյուրը

«Վերջին օրերին Ադրբեջանի սադրիչ ռազմական գործողությունները հայկական կողմից արժանանում են արժանագույն պատասխանի: Եզդիական համայնքը դատապարտում է Ադրբեջանի սադրիչ գործողությունները»,- ԱԺ նիստում ասաց «Իմ քայլը» խմբակցության անդամ Ռուստամ Բաքոյանը:

Նա նշեց, որ հայաստանաբնակ բազմաթիվ եզդիներ դիմել են և պատրաստ են անհրաժեշտության դեպքում մեկնել սահման և պաշտպանել մեր ընդհանուր սահմանը:

«Կոչ եմ անում մեր եզդի ազգակիցներին ամբողջ աշխարհում` հայկական սփյուռքի հետակտիվ աշխատեն` և Եվրոպայում, և ԱՄՆ-ում, և մյուս երկրներում, որ կարողանանք Ադրբեջանի սադրիչ ռազմական գործողություններին նաև հստակ դիվանագիտական պատասխան տալ»,-նշեց նա:

ԱԺ նախագահ Արարատ Միրզոյանն ավելացրեց, որ առաջին անգամ չէ, որ եզդի ժողովուրդն անվերապահորեն հայ ժողովրդի հետ է.

«Գիտեք, մեր եղբայրական զգացմունքները միմյանց նկատմամբ մեկ անգամ չէ, որ փորձություն են բռնել»,- ասաց Ա. Միրզոյանը։