Էրդողանի ու իր նախարարների հայտարարությունները յուղ են լցնում Հայաստանի ու Ադրբեջանի միջև ծագած հրդեհի վրա․Փայլան

Քաղաքական 14:17 16/07/2020 Տարածաշրջան

Էրդողանի ու իր նախարարների հայտարարությունները յուղ են լցնում Հայաստանի ու Ադրբեջանի միջև ծագած հրդեհի վրա․Փայլան

Թուրքիայի Մեջլիսի հայազգի պատգամավոր Կարո Փայլանն անդրադարձել է ի պաշտպանություն Ադրբեջանի Թուրքիայի պաշտոնյաների հայտարարություններին։

«Էրդողանի ու իր նախարարների հայտարարությունները յուղ են լցնում Հայաստանի ու Ադրբեջանի միջեւ ծագած հրդեհի վրա։

Հարևան երկրների միջև լարվածությունը պետք է լուծել անկողմնակալ ձևով, արդարությամբ։ Ցեղային ու կրոնական կողմնակցությունը վնասում է տարածաշրջանի խաղաղությանը»,-գրել է Կարո Փայլանը։

Նշենք, որ հուլիսի 12-ին՝ ժամը 12:30-ի սահմաններում, Ադրբեջանի զինված ուժերի զինծառայողները, անհասկանալի պատճառով, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք:

Հուլիսի 12-ին՝ ժամը 13:45-ին, Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը՝ կիրառելով հրետանային կրակ, սակայն ճնշվել են հայկական կողմից և կորուստներ կրելով` հետ շպրտվել:

Ադրբեջանական կողմը հրետակոծությունը շարունակել է նաև հուլիսի 13-ին և 14-ին։ Հուլիսի 15-ին սահմանին իրադրությունը համեմատաբար հանգիստ է եղել, հուլիսի 16-ի լույս գիշերը Ադրբեջանի զինուժը ձեռնարկել է դիվերսիայի փորձ, որը կասեցվել է և թշնամին կորուստ տալով հետ է շպրտվել: 05:20-ից սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից:

Erdoğan ve bakanları, Ermenistan - Azerbaycan arasındaki yangına benzin dökecek açıklamalar yapıyor. Komşu ülkeler...
Posted by Garo Paylan - Կարօ Փայլան on Thursday, July 16, 2020

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: