Ձեր վստահելի աղբյուրը

«Խաղաղ օր ենք ունեցել, բնակիչները կարողացել են վերադառնալ իրենց բնականոն աշխատանքին ինչքանով որ հնարավոր էր»,- Իջևանում` ճգնաժամային տեղեկատվական կենտրոնում տեղի ունեցած ճեպազրույցում ասաց Տավուշի մարզպետ Հայկ Չոբանյանը։

Նա նշեց, որ առաջնահերթ վերականգնվում են այն տները, որոնք երկար նախագծային աշխատանքներ չեն պահանջում։ Մարզպետը նշեց, որ աշխատանքերը սկսված են, շինանյութերի մատակարարումը կատարվել է, ակտիվ աշխատանքներ են կատարվել Այգեպարում, վաղը կսկսվեն Ներքին Կարմիրաղբյուր գյուղում։

Հ. Չոբանյանն ասաց, որ ոչ թե վնասների փոխհատուցում է իրականացվելու, այլ վերականգնվելու է մարդկանց պատճառված վնասները, մի բան էլ՝ ավելի։  Այն բնակարանները, որոնց վերանորոգումը նպատակահարմար չի լինի, դրանց փոխարեն նոր տներ կկառուցվեն կամ նորերը կգնվեն։ 

Նա նշեց, որ ճանապարհաշինարարական  աշխատանքները շարունակվում են, ջրամատակարաման մեծ ծավալի աշխատանքներ են իրականացվում մարզում, այդ թվում սահմանամերձ գյուղերում։

«Որոշակի բացառություն եղել է միայն երեկ, քանի որ յուրահատուկ օր էր, անօդաու թռչող սարքերով էին հարվածում բնակավայրերին»,- ասաց մարզպետը։