Ձեր վստահելի աղբյուրը

«Ապաստարանների լրացման, ամբողջացման աշխատանքներ են իրականացվում, խոսքը ոչ միայն ստանդարտ ապաստարանների մասին է, որ կառուցել են, նաև փոքր-նկուղ ապաստարանների»,- ասուլիսում հայտարարեց Տավուշի մազպետ Հայկ Չոբանյանը։

Հարցին արդյո՞ք մի քանի տների մոտակայքում ապաստարան կառուցելու անհրաժեշտության չկա, նա պատասխանեց, որ վերջին տարիներին հատկապես սահմանապահ գյուղերում  իրականացվել են ապաստարանների շինարարություն։ Նրա խոսքով, ապաստարանները միայն դպրոցներում ու մանկապարտեզներում չեն կառուցվել, հիմնականում ընտրվել են ամենաապահով տարածքները։

Մարզպետը նշեց, որ բոլոր սահմանապահ գյուղերն ունեն ապաստարաններ։ Կան անհատական և խմբային ապաստարաններ։ Որպես ապաստարան հիմնականում կիրառվել են բնակարանների նկուղները։

Հարցին՝ Տավուշի երեխաներին հյուրընկալել ցանկացողերն օրեցօր ավելանում են, պետական ի՞նչ որոշում է կայացվել այս հարցում,  մարզպետն ասաց. «Շնորհակալ ենք մեր հայրենակիցներին, բայց հայտարարել ենք, որ, ըստ էության, երեխաների հյուրընկալման կարիք այս պահին չկա։ Պաշտոնական տարհանում չենք իրականացրել այս պահի։ Տարհանման երևույթներն ինքնակամ են եղել։ Կառավարության հետ քննարկվում են հնարավոր ճամբարային ձևաչափերը»։