Ձեր վստահելի աղբյուրը

«Ունեցել ենք հերթական խաղաղ օրը, որևէ հրետակոծոթյուն չի եղել մեր բնակավայրերի ուղղությամբ»,- Իջևանում` ճգնաժամային տեղեկատվական կենտրոնում տեղի ունեցած ճեպազրույցում ասաց  Տավուշի մարզպետ Հայկ Չոբանյանը։

Նրա խոսքով,  բնակիչները հնարավորություն են ունեցել վերադառանալ իրենց առօրյա կյանքին. «Դա հնարավոր է եղել  նաև երեկ ողջ օրվա ընթացքում կատարված աշխատանքի՝ ենթակառուցվածքների  վերականգնման արդյունքում»։

Հ. Չոբանյանն ասաց, որ  հակառակորդի կրակոցներից վնասված գույքը հաշվառել են, գրեթե ավարտել են գույքագրման աշխատանքները, թեև վերջնական գնահատում դեռ չկա։ Ամբողջական գույքագրում կունենան մեկ շաբաթվա ընթացքում։

Նա նշեց, որ այսօրվա դրությամբ առանձնացրել են 12 տուն՝ 6 տուն Այգեպարում, 6 տուն Ներքին Կարմիրաղբյուրում, որոնց վերականգնումը կարող են սկսել։

Մարզպետն ասաց, որ եկող շաբաթվա վերջում, ըստ էության,  կունենան առաջին վերականգնված տունը կամ տները։

Նա նաև նշեց, որ փոխհատուցում կստանան այն բնակիչները, որոնց մեքենաներն են վնասվել հրետակոծություններից, նաև տուժե լեն տնային կենդանիներ, դրանց տերերը նույնպես կստանան փոխհատուցում։