Ձեր վստահելի աղբյուրը

Միջազգային անվտանգության առանցքային հիմնախնդիրները, ներառյալ միջուկային զենքի չտարածման հացրեն են քննարկվել միջուկային աղետը կանխելու Լյուքսեմբուրգի միջազգային ֆորումի առցանց խորհրդակցության ժամանակ անցկացվող հատուկ նստաշրջանի ընթացքում: Այս մասին փոխանցում է «Ինտերֆաքսը»։

«Քննարկման արդիականությունը պայմանավորված է զենքի վերահսկման համակարգերի փաստացի փլուզմամբ»,- ասվում է ֆորումի մամուլի ծառայությունից երկուշաբթի «Ինտերֆաքս»-ին տրամադրված տեղեկատվության մեջ: Փորձագետները նաև նշել են միջուկային ու սովորական սպառազինության և ռազմական տեխնոլոգիաների նոր տիպերի արագացող զարգացումը, միջին և կարճ հեռահարության հրթիռների վերացման մասին պայմանագրի փլուզումը, անորոշ վիճակ է ստեղծվել Ստրատեգիական հարձակողական սպառազինության պայմանագրի, «Գործողությունների համապարփակ ծրագրի» (JCPOA) և Իրանի միջուկային ծրագրի շուրջ:

Համաժողովին մասնակցում էին միջուկային անվտանգության, զենքի կրճատման և վերահսկման ոլորտում աշխարհի առաջատար մասնագետներ, գիտնականներ, քաղաքական գործիչներ և դիվանագետներ: Դրանց թվում են Ռուսաստանի Գիտությունների ակադեմիայի նախագահ Ալեքսանդր Սերգեևը, Ստենֆորդի համալսարանի պրոֆեսոր, ԱՄՆ նախկին Պաշտպանության նախարար Վիլյամ Փերին, Ֆեդերացիայի խորհրդի արտաքին հարաբերությունների հանձնաժողովի նախագահի տեղակալ Վլադիմիր Լուկինը, ՆԱՏՕ-ի գլխավոր քարտուղարի նախկին տեղակալը և ԱՄՆ պետքարտուղարի սպառազինությունների վերահսկման և միջազգային անվտանգության հարցերով տեղակալ Ռոզ Գոթեմյուլլերը և այլոք:

Միջուկային աղետը կանխելու Լյուքսեմբուրգյան ֆորումը ստեղծվել է Միջուկային աղետը կանխելու միջազգային խորհրդաժողովի որոշմամբ, որը տեղի է ունեցել 2007 թ-ի մայիսի 24-25-ը Լյուքսեմբուրգում: Այն խոշորագույն հասարակական կազմակերպություններից մեկն է, որը միավորում է աշխարհի առաջատար փորձագետներին միջուկային զենքի չտարածման, սպառազինության կրճատման և սահմանափակման ոլորտում: