Թուրքիայի Հակամիջուկային հարթակը պահանջ է ներկայացրել Ատոմային էներգիայի միջազգային գործակալությանն ու ՄԱԿ-ին
Հուլիսի 20-ին Թուրքիայում գործող Հակամիջուկային հարթակը տարածել է հայտարարություն, որը հրապարակվել է ինչպես հարթակի ֆեյսբուքյան հաշվում, այնպես էլ SOL թերթի ինտերնետային կայքում:
Հայտարության վերջում մասնավորապես ասվում է․
«․․․Կրկին վերահաստատում ենք ատոմակայաններից ձերբազատվելու մեր կոչը, որոնք ոչ մի հանրային օգուտ չունեն, այլ, ընդհակառակը, կրում են հսկայական կենսական ռիսկեր: Անընդունելի է վտանգի տակ թողնել մեր կյանքն ու կենսատարածքները։ Ցանկանում ենք, որպեսզի ատոմակայանների կառուցման նախագծերն անմիջապես դադարեցվեն և ատոմակայաններն ամբողջությամբ դուրս մղվեն մեր կյանքից ինչպես մեր երկրում, այնպես էլ աշխարհում:
Կոչ անում ԱԶԿ (ԹՀ իշխող Արդարություն և զարգացում կուսակցություն) կառավարությանը հիշեցնել մեր երկրի և տարածաշրջանի համար Ադրբեջանի կողմից Մեծամորի ատոմակայանի վրա հարձակման ծանր հետևանքների մասին: Պահանջում ենք, որպեսզի Ատոմային էներգիայի միջազգային գործակալությունը և ՄԱԿ-ն անհապաղ կանխարգելիչ միջոցներ ձեռնարկեն ատոմակայանի նկատմամբ Ադրբեջանի կառավարության սպառնալիքների դեմ»:
Հարակից հրապարակումներ`
- Մտահոգված ենք Ադրբեջանի հայտարարությամբ, որ կարող են հրթիռակոծել Մեծամորի ատոմակայանը. Ժոզեֆ Սիգելե
- Մեծամորի ատոմակայանի հրթիռակոծման սպառնալիքները պետական ահաբեկչության ուղղակի դրսևորում են. ԱԳՆ