Ռուսական ԴԱԾ-ից հայ համայնքին հավաստիացրել են՝ ովքեր ներգրավված են հանցագործություններում, խստորեն պատժվելու են

11:00 25/07/2020

Ռուսական ԴԱԾ-ից հայ համայնքին հավաստիացրել են՝ ովքեր ներգրավված են հանցագործություններում, խստորեն պատժվելու են

Մոսկվայի և Մոսկվայի տարածաշրջանի Դաշնային անվտանգության ծառայության վարչությունում տեղի է ունեցել անվտանգության ծառայության ղեկավարների հանդիպումը հայ համայնքի ներկայացուցիչների հետ` կապված Մոսկվայի գիշերային իրադարձությունների հետ: Այս մասին հայտնում են Ռուսաստանի հայերի միության (ՌՀՄ) մամուլի ծառայությունից:

Ըստ տեղեկատվության, ուժային ղեկավարության միասնական դիրքորոշումը հայտնել է Մոսկվայի և Մոսկվայի տարածաշրջանի ԴԱԾ ղեկավարի տեղակալ, գեներալ-մայոր Անդրեյ Անատոլիի Յացենկոն.

«Սա բարձր հնչեղության դեպք է` երկրի ղեկավարության անձնական վերահսկողության ներքո։ Ես շեշտում եմ, որ այդ հանցագործություններին ներգրավված բոլոր անձինք պատժվելու են՝ խստագույն պատժամիջոցներով: Ոչ ոք չի խուսափելու պատասխանատվությունից»,- նշել է նա:

Դիմելով ներկաներին՝ ոստիկանապետ, գեներալ-մայոր Իգոր Վիկտորի Զինովևը և Մոսկվայի մարզի ՆԳՆ գլխավոր վարչության ոստիկանության պետի տեղակալ, գեներալ-մայոր Վյաչեսլավ Վլադիմիրի Ցուրկանը հորդորել են տեղեկացնել համայնքի յուրաքանչյուր անդամի, որ հանցագործների նկատմամբ քրեական պատիժներ կկիրառվեն, և իշխանությունները ձեռնարկում են խստագույն միջոցներ՝ ճնշելու համար ցանկացած ծայրահեղական դրսևորում, ընդհուպ քաղաքացիությունից զրկելը և Ռուսաստանի Դաշնությունից վտարումը:

«Հարգելի հայրենակիցներ: Եվս մեկ անգամ հորդորում ենք բոլորիդ, զգոն լինել, ցուցաբերել հայերիս բնորոշ զսպվածություն և խոհեմություն և չտրվել սադրանքներին:

Ոչ ստանդարտ իրավիճակների առաջացման դեպքում անմիջապես դիմեք Ռուսաստանի հայերի միության թեժ գծին (89253045971) կամ իրավապահ մարմիններին», - ասվում է հաղորդագրության մեջ:

Հարակից հրապարակումներ`

Պետդումայի պատգամավորը՝ Մոսկվայում ադրբեջանցիների և հայերի միջև տեղի ունեցած ծեծկռտուքի մասին

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: