Ձեր վստահելի աղբյուրը

Ապրիլյան պատերազմում զոհված հերոս Քյարամ Սլոյանի եղբայրը զորացրվել է։  Արցախի Հանրապետության անվտանգության խորհրդի նախկին քարտուղար, գեներալ Արշավիր Ղարամյանն իր ֆեյսբուքյան էջում մի լուսանկար է դրել, որտեղ երևում է զինվորական հագուստով ծաղկեփնջով տուն վերադարձող որդուն դիմավորող մայրը։

«Առանց մեկնաբանության»,- լուսանկարին կից գրել է Ղարամյանը։



Հիշեցնենք, որ Քյարամը զոհվել է 2016-ի ապրիլին Մարտակերտի դիրքերից մեկում ծավալված մարտական գործողությունների ժամանակ:

Քյարամ Սլոյանը ծնվել է 1996 Արագածոտնի մարզի Արտաշավան գյուղում: Ժամկետային զինծառայող  գացրորդ Քյարամը քառօրյա պատերազմի առաջին զոհերից էր: Ապրիլի 1-ի լույս 2-ի գիշերը ղարաբաղա–ադրբեջանական հակամարտ զորքերի շփման գծի ողջ երկայնքով հակառակորդի ձեռնարկած հարձակմանը առաջին դիմադրողներից էին  հյուսիսարևելյան ուղղությամբ տեղակայված մարտական հենակետերից մեկի տղաները:

Կապիտան Արմենակ Ուրֆանյանն իր անձնակազմի հետ հետ միասին կարողացել է երկու անգամ ետ մղել հակառակորդի գրոհը: Երբ կապիտանը հասկացել է, որ այլևս դիմադրելն անհնար է քանակով ու ռազմական տեխնիկայով զինված թշնամուն, կրակը վերցնելով իր վրա՝ զինվորներին հետ նահանջելու հրաման է տվել, սակայն զինվորները՝ Քյարամ Սլոյանը, Ռոբերտ Աբաջյանը, Անդրանիկ Զոհրաբյանը չեն նահանջել, պայքարել են մինչև վերջ և զոհվել իրենց հրամանատարի հետ:

Ադրբեջանցի բարբարոսները  գլխատել էին 20-ամյա Քյարամ Սլոյանին:

2016 թվականի մայիսի 28-ին Քյարամ Սլոյանը հետմահու պարգևատրվել է «Մարտական խաչ» 1-ին աստիճանի Հայաստանի Հանրապետության պետական շքանշանով։