Ձեր վստահելի աղբյուրը

«Քաղաքացիական գիտակցություն» ՀԿ նախագահ Նարեկ Սամսոնյանը Ֆեյսբուքի իր էջում գրել է. «Մեկնարկում է «Իկրայի գործով» դատավարությունը, իմ շահերի պաշտպանությունը դատարանում իրականացնելու է Ռուբեն Մելիքյանը (Ruben Melikyan): Էն, որ ասում ինք թեժ աշուն նաև սա նկատի ունեինք էլի: Դատական նիստերը սկսվելու են սեպտեմբերից:

Հ.Գ. Ի դեպ այսօր դատարանի դիմացից այս նկարում պարոն Մելիքյանն ի սոլիդարություն իմ` բաց տարածքներում դիմակ չկրելու սկզբունքի հանեց նաև իր դիմակը»:

Նշենք, որ Ն.Սամսոնյանը հունվարի 26-ին ֆեյսբուքյան էջում  «3000$ 1կգ սև իկռա առնող Վարչապետը»  վերնագրով գրառում էր արել: Այնուհետև հրավիրվել էր ՀՔԾ, ինչն էլ Սամսոնյանը կապում էր այդ գրառման հետ։«Ինձ թվում է՝ հայտնի իկռայի գործն է, 90 տոկոսով վստահ եմ, որ այդ գործն է: Ըստ էության, չի հերքվել այն տեղեկատվությունը, որը ես տվել եմ, ավելին՝ գործը հարուցվել է այնպիսի հետաքրքիր ձևակերպումով, որը բավականին հետաքրքիր քաղաքական ենթատեքստ ունի», -նախքան ՀՔԾ մտնելը լրագրողներին ասել էր Նարեկ Սամսոնյանը՝ այս տարվա հունվարի 31-ին։