Ձեր վստահելի աղբյուրը

Նորամարգի Ա.Քադեշյանի անվան միջն. դպրոցի Հայոց լեզվի և գրականության ուսուցչուհի Փերինե Գալստյանն ահազանգում է դպրոցի տնօրենի ընտրության դիտավորյալ տապալման դեպքի մասին։ Նա հաղորդագրություն է ուղարկել խմբագրություն, որը ներկայացնում ենք ստորև։

«Դիմում-բողոք-խնդրանք

Հայտնում ենք Ձեզ,որ սույն թվականի հուլիսի 17-ին պետք է տեղի ունենար Արարատի մարզի Ա.Քադեշյանի անվան միջն. դպրոցի տնօրենի թափուր տեղի մրցույթ:Սակայն մրցույթը չկայացավ,որովհետև մրցույթին չներկայացավ ԿԳՍՄ նախարարության ներկայացուցիչ դիտորդը:Իսկ կարգի համաձայն՝ նրա բացակայելու դեպքում մրցույթը չի կայանում:Բացի այդ,խորհդի անդամներից 2-ը՝ մարզպետարանի ներկայացուցիչ Հայկազ Տերտերյանը և համայնքապետարանը ներկայացնող Առաքել Ավետիսյանը, ներկա չգտնվեցին նիստին:Վերջինս մինչ այդ գյուղում տարածել էր,որ գնում է կորոնավիրուսի վարակման թեստ հանձնելու:

Խորհրդի 3-րդ անդամը՝ Արամ Գասպարյանր,որը նախարարության կողմից ներկայացված անձն էր խորհրդի կազմում,մրցույթը սկսվելուց մի քանի րոպե առաջ զանգով տեղեկացրեց,որ Արարատի մարզպետ Գարիկ Սարգսյանը մրցույթը սկսելու նույն ժամին իրեն կանչել է մարզպետարան: Այս ամենը տեղի ունեցավ,չնայած այն բանին,որ խորհրդի նախագահը մի քանի անգամ բոլոր անդամներին զգուշացրել էր մրցույթի մասին,բազմիցս զանգահարել էր նախարարության համապատասխան բաժիններին և ստացել էր հավաստիացումներ,որ ներկայացուցիչը  ներկա է գտնվելու:

Հիմա արդեն,երբ մարզպետարանը խոստովանեց,որ տապալումը իրենց կողմից միտումնավոր է եղել,կարելի է զարմանալ կազմակերպման եռաստիճանության վրա.բոլոր հնարավոր  լծակներն օգտագործել էին տապալման համար,չնայած դրանցից մեկն էլ բավարար կլիներ:

Տնօրենի թափուր տեղի մրցույթին մասնակցում էին 3 հավակնորդ.
1/Ծովինար Գալստյանը,որը նախկին տնօրենն է,ապրում է Նորամարգ գյուղում և հարգված է աշակերտների,ծնողների,ուսուցիչների,գործընկերների կողմից:

2/Գևորգ Մինասյանը,մեկ այլ գյուղի՝ Սիփանիկի  դպրոցի  ուսմասվարն է:

3/Գոհար Սահակյանը,որը ապրում է Այնթափ գյուղում, մրցույթի հայտ ներկայացրել է վերջին օրվա վերջին  15 րոպեին:

Մրցույթի այս կարգի տապալումը զարմացրեց խորհրդի ներկա  անդամներին,հավակնորդ Ծ.Գալստյանին, ուսուցչական և ծնողական կազմին: Նրանք, զգալով միտում և անարդարություն,2 անգամ դիմեցին մարզպետարան՝ բողոքի ակցիա կազմակերպելով.ընդ որում հաշվի առնելով արտակարգ դրության բոլոր նորմերը: Երկու անգամ էլ մարզպետը անձամբ չի ներկայացել,2-րդ անգամ լրագրողների ներկայությամբ մարզպետարանի  կրթության բաժնի աշխատակիցները հավաստիացրին,որ հաջորդ մրցույթը կկայանա հավուր պատշաճի:

Հուլիսի 23-ին մեկ անգամ հետաձգված մրցույթը 2-րդ անգամ չկայացավ.նիստին չներկայացան մարզպետարանի 2 ներկայացուցիչները և համայնքապետարանի ներկայացուցիչը,որը համայնքապետի հետ միասին համագյուղացիներին ասել էր,որ «վերևից» չեն ուզում, և ինքը չի ներկայանալու մրցույթին:

Այս 5 օրերի իրադարձությունների մեջ հստակ առանձնանում էր մեկ մարդու ՝Լիլիթ Միրզախանյանի դերակատարումը, գնալով պարզ  էր դառնում ,որ նա տարօրինակ շահագրգռվածություն ունի:Նախ նա հավակնորդների մրցույթին մասնակցելու վերջին րոպեներին զանգահարել էր խորհրդի  քարտուղարին և շտապեցրել,որ արագ ընդունի Գ.Սահակյանի  դիմումը, այնուհետև  առաջին նիստի տապալումից հետո  խորհրդի անդամների ներկայությամբ զանգահարել  է նախարարության ներկայացուցչին և ասել,որ նա  կարող է այլևս չգալ,մինչ այդ հայտնել էր,որ վերջինս ուշանալու է՝ քաջ գիտենալով,որ, կարգի համաձայն, ուշացումը պատճառ է լինելու մրցույթի տապալման.ապշեցուցիչը այն էր,որ խորհրդի նախագահին ոչ մի կերպ չէր հաջողվել կապ հաստատել դիտորդի հետ,ճշտել հեռախոսահամարը,որովհետև նախարարությունից ասել էին,որ վերջինիս այդ տվյալները չունեն:Լիլիթ Միրզախանյանը նաև տեղեկացրել է,որ Հ.Տերտերյանին կանչել են կառավարություն:

2-րդ տապալումից հետո արդեն խորհրդի  մի քանի անդամներ հայտնեցին,որ այս մեկ ամսվա ընթացքում իրենց մոտեցել են տարբեր անձինք, համոզել,գայթակղիչ առաջարկություններով հանդես եկել,որպեսզի ընտրեն իրենց ուզած թեկնածուին:

Այս ամենից հետո առավել քան պարզ էր,որ տապալումը միտումնավոր էր:Ուսուցչական կոլեկտիվը,ծնողները հիասթափված և վրդովված բողոքի ակցիա կազմակերպեցին համայնքապետարանի առջև,այնուհետև կառավարության շենքի մոտ: Նրանք աջակցում էին Ծ.Գալստյանին,քանի որ Գալստյանը  եղել է այդ գյուղի ուսուցիչ,այնուհետև փոխտնօրեն,ուսմասվար:2015թ.ընտրվել է տնօրեն:5 տարիների ընթացքում նրա շնորհիվ մեծապատիվ Ս.Գևորգյանը և ամերիկաբնակ Մ.Դեգիրմեսյանը հիմնովին վերանորոգել են վատթար վիճակում գտնվող դպրոցը՝ ծախսելով մոտ 50 000 ամերիկյան դոլար, բարերար Էմիլյա Ավանեսյանի հետ իրականացրել են մի շարք բարեգործական ծրագրեր,դպրոցը սրընթաց հաղթանակներ է գրանցել կրթական,մարզական և այլ ոլորտներում:Համայնքի բնակիչները ողջ գյուղով հավաքել էին մոտ 600 ստորագրություններ՝ ի պաշտպանություն Ծ.Գալստյանի և արդարության վերականգնման,որը նամակի հետ փոխանցեցին վարչապետ պարոն Ն.Փաշինյանին:

Սակայն նույն օրը՝  23-ին,Արարատի մարզպետարանը մի պարզաբանում հրապարակեց,որով բացահայտեց իրեն՝ որպես տապալման կազմակերպիչ և հավակնորդներից որևէ մեկի հովանավորյալ: Նա հրապարակման մեջ խոստավանում է,որ տապալումը իրենք են կազմակերպել,որովհետև նախապես գիտեին,որ օրինական ճանապարհով ընտրվելու է
Ծ.Գալստյանը,քանի որ նրան սատարում են ուսուցիչներին և ծնողներին ներկայացնող խորհրդի անդամները:Այնուհետև հրապարակեց ծնողների հեռախոսային ձայնագրությունները,որոնք ապօրինի էին ձեռք բերվել: Այս քայլը ,իհարկե մարդու իրավունքների հերթական կոպիտ խախտումն է,որը ըստ էության մարզպետարանի պնդումների հետ կապ էլ չուներ:

Ցավալի է,որ հեղափոխությունից և իշխանափոխությունից հետո Արարատի մարզպետարանը շարունակում է նախկին ռեժիմի գործելաոճը՝ ակնհայտորեն ոտնահարելով և շրջանցելով օրենքը,չ արաշահելով պաշտոնեական դիրքը:

Խնդրում ենք Ձեզ ականջալուր լինել մեր ահազանգին և օգնել հասնել արդարության»: