Կորոնավիրուսը չի ուզում հեռանալ Եվրոպայից, եվրոպացին` սոցիալական ակտիվ կյանքից
Եվրոպական որոշ երկրներ են վերադարձել սահմանափակումներն ու արգելափակումները, երբ կորոնավիրուսի երկրորդ ալիքը սկսել է տարածվել այստեղ: Իսպանիայի ամենաշատը տուժած Կատալոնիան այսօր դարձել է նոր էպիկենտրոն:
Չնայած տեղաշարժի վերաբերյալ սահմանափակումները կրճատելու փաստին, մի շարք երկրներ իրենց մոտ սահմանել են կարանտին բոլոր նրանց համար, ովքեր վերադառնում են Իսպանիայից: Այս մասին գրում է Ամերիկայի Ձայնը։
Կորոնավիրուսի թվի աճ է գրանցվում նաև Բելգիայում ու Լյուքսեմբուրգում, և ինչպես տեղի հատկապես մեծահասակ մարդիկ են ասում, իրենք սկսել են տնից դուրս գալուց նորից վախենալ:
Տեղի Անթվերփի համալսարանի պատվաստանյութերի ուսումնասիրության հարցերով պրոֆեսոր Պիեռ Վան Դամի խոսքերով, եթե չեք հարգում ֆիզիկական հեռավորություն պահպանելու պահանջը, վարակը տարածվում է շատ հեշտությամբ:
Դրանից հետո, ըստ նրա, կառավարությունները ստիպված են լինում կիրառել ավելի խիստ կանոններ: Դա պատահեց Մեծ Բրիտանիայում, որտեղ նորից արգելվել են տարբեր ընտանիքների անդամների մասնակցությամբ տների ներսում հավաքները: Երկիր, որտեղ ամեն օր գրանցվում է վարակի նոր 4900 դեպք:
Օքսֆորդի համալսարանից դոկտոր Փիթր Դրոբաքն էլ ավելացնում է, ասելով․ «Որքան մեծանում է վարակի տարածման արագությունը, այնքան պիտի դանդաղի տնտեսությունը վերաբացելու արագությունը»։
Սակայն եվրոպական որոշ երկրներում, ինչպես օրինակ Հունաստանում և Իտալիայում վարակի արագությունը մնում է ցածր, ու այստեղ են շտապում զբոսաշրջիկները:
«Մենք այսօր անհոգ հանգստի մասին ենք ուզում մտածել»,- ասում են նրանք ու փորձում չնկատել հիվանդության վտանգը: Դա բացատրվում է նրանով, որ սոցիալական ակտիվ կյանքին սովոր աշխարհը չի կարողանում երկար ժամանակ մնալ մեկուսացման մեջ: Դրանով են բացատրվում սահմանափակումները կրճատելու պահանջով Բեռլինում հազարավոր մարդկանց մասնակցությամբ ցույցերը, երբ Գերմանիայում կորոնավիրուսը նորից արձանագրում է տարածման արագության աճ:
Լրահոս
Տեսանյութեր
Գրետա Թունբերգ. Երկերեսանիություն ու կեղծավորություն է, որ COP29-ը տեղի է ունենում Ադրբեջանում
