Ձեր վստահելի աղբյուրը

ՌԴ Առողջապահության նախարարության գլխավոր ուռուցքաբան, Ռուսաստանի գիտությունների ակադեմիայի ակադեմիկոս Անդրեյ Կապրինը ներկայացրել է քաղցկեղի զարգացման վրա ազդող գործոնները, փոխանցում է «Ռիա Նովոստի»-ն։

Նա նշել է, որ ուռուցքաբանության դեպքերի մոտ 15%-ը կապված է գենետիկ կոդի հետ, մինչդեռ տարիքի և ապրելակերպի հետ կապված մուտացիաներն ավելի կարևոր են: Մասնավորապես, բժիշկը նշել է, որ ծխելը 30 անգամ մեծացնում է քաղցկեղի առաջացման ռիսկը, իսկ ալկոհոլը հետագայում մեծացնում է այդ ռիսկերը:

«Յուրաքանչյուր օրգանիզմ նման է գենետիկորեն առողջ ընտանիքի: Սակայն հետո ծխախոտի և ալկոհոլի օգտագործման հետևանքով առաջանում է թոքերի քաղցկեղ, միզապարկի քաղցկեղ: Պարզվում է, որ կան վատ սովորություններ, որոնք ունենում են ծանր հետևանքներ»,- պարզաբանել է ուռուցքաբանը:

Նա հավելել է, որ մարմինը կարողանում  է «վերականգնվել» միայն այն բանից հետո, երբ մարդը թողնում է ծխելը:

Կապրինը խոսել է նաև տարիքի դերի մասին՝ նշելով, որ 65-ից հետո յուրաքանչյուր հինգ տարին մեկ բջջային մուտացիաների թիվն ավելանում է տասը տոկոսով։