Ձեր վստահելի աղբյուրը

Ըստ ոստիկանության օպերատիվ հաղորդագրությունների ամփոփագրերի` օգոստոսի 10-ից 11-ը Հայաստանի Հանրապետության ոստիկանության տարբեր ստորաբաժանումների կողմից բացահայտվել է հանցագործության 93 դեպք, որից 5-ը՝ նախկինում կատարված։

Ոստիկանությունից մանրամասնում են, որ հայտնաբերվել է թմրամիջոցի հայտնաբերման` 18, թմրանյութի առաքման կանոնները խախտելու՝ 16, մարմնական վնասվածք հասցնելու՝ 12, անձնական ունեցվածքի գողության՝ 11, ընտանեկան բռնության՝ 7, խարդախության՝ 6, հրազենի ապօրինի շրջանառության՝ 3, գույքը դիտավորությամբ ոչնչացնելու, հարկերից խուսափելու և բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու, որն առաջացրել է հիվանդի մահ՝ 2-ական, բռնաբարության կամ բռնաբարության փորձի, բնակարանային գողության, զենք-զինամթերքի առգրավման, խուլիգանության, կաշառակերության, պաշտոնեական կեղծիքի կամ անփութության, փաստաթղթեր կեղծելու, իրացնելու կամ օգտագործելու, անձնական կամ ընտանեկան կյանքի մասին տեղեկություններ ապօրինի հավաքելու, պահելու, օգտագործելու կամ տարածելու ու առանց իրացնելու նպատակի թմրանյութի ապօրինի շրջանառության՝ 1-ական դեպք։

Հայտնաբերվել է 2 հետախուզվող, կամավոր ներկայացել է 3-ը։

Գրանցվել է զենք-զինամթերքի կամավոր հանձնման 2 դեպք։

Նախկինում կատարված հանցագործություններից բացահայտվել է անձնական ունեցվածքի գողության՝ 3, գույքը դիտավորությամբ վնասելու և ճանապարհատրանսպորտային պատահարի 1-ական դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 18 պատահար. 1 մարդ զոհվել է, 27-ը՝ ստացել տարբեր աստիճանի մարմնական վնասվածքներ: