Ձեր վստահելի աղբյուրը

Ռուսաստանում կորոնավիրուսի դեմ պայքարը չի ավարտվել, դեռևս առկա են բազմաթիվ խնդիրներ, բայց դեպքերի անկման միտում կարող է նկատվել ամբողջ երկրում, ասել է «Միացյալ Ռուսաստան» կուսակցության նախագահ Դմիտրի Մեդվեդևը, փոխանցում է «Ռիա Նովոստի»-ն։

«Ես կսկսեմ կորոնավիրուսի դեմ պայքարի արդյունքներից ... Պարզ է, որ սա պայքար է, սա ամենօրյա աշխատանք է, այն ավարտված չէ: Մենք դեռ շատ խնդիրներ ունենք այս ոլորտում: Այնուամենայնիվ, այն, ինչ արվել է ազգային մասշտաբով, ցույց է տալիս, որ մենք  կարողացել ենք նվազագույնի հասցնել այն խնդիրները, որոնք ի սկզբանե ծայրահեղ մեծ էին», - ասել է Մեդվեդևը Նովգորոդի նահանգապետի հետ հանդիպմանը։

Նահանգապետն ինքն էլ ասել է, որ նահանգում օրական հիվանդության  17-20 նոր դեպք է գրանցվում։ 

«Իրավիճակը չի ավարտվել, բայց գոնե կառավարելի է», - ասել է Նիկիտինը:

Մեդվեդևը նույնպես  շեշտել է, որ երկրում ընդհանուր առմամբ կորոնավիրուսի աճը նվազում է:

«Այս պահի դրությամբ, դեպքերի մակարդակի նվազման միտումը կարող է նկատվել ամբողջ երկրում և, իհարկե, ձեր մարզում ... Առջևում աշնանային շրջանն է, ակտիվ աշխատանքներ են տարվում դեղերի, պատվաստանյութերի հետ կապված: Հուսով եմ, որ մեր քայլերն արդյունք կունենան»,- ավելացրել է Մեդվեդևը։