Ձեր վստահելի աղբյուրը

Բելառուսի առողջապահության նախարար Վլադիմիր Կարանիկը բաց նամակով դիմել է ցուցարարներին, փոխանցում է «Գազետա.ռու»-ն։

«Երեկ ցույցերին միացած մարդիկ, որ ներկայանում էին ամբողջ բժշկական հանրության անունից, հրավիրվել են Առողջապահության նախարարություն... Ես դուրս եկա, որպեսզի հանդիպեմ նրանց և գոնե այդ տարբերակով նրանց հետո երկխոսություն հաստատեմ: Դժբախտաբար, ինչպես երևաց, երկխոսություն չկար, տպավորությունն այնպիսին էր, որ ցուցարարները դրա կարիքը չունեն», - ասվում է նամակում:

Կարանիկն ավելացրել է նաև, որ ինքը չի կարող նույնիսկ նկարագրել այն, ինչ կատարվում էր Առողջապահության նախարարությունում, որտեղ ցուցարար բժիշկները հեռու էին մեծամասնություն լինելուց

Օգոստոսի 9-ին Բելառուսում անցկացվել են նախագահական ընտրություններ: Հանրապետությունում ընտրատեղամասերի փակվելուց հետո սկսվել եշն զանգվածային բողոքի ակցիաներ՝ արդյունքների կեղծման դեմ: Բողոքի ցույցերի ընթացքում ոստիկանությունը և ներքին զորքերը ցուցարարների դեմ օգտագործել են արցունքաբեր գազ, նռնակներ և ռետինե փամփուշտներ:

Ավելի ուշ խոշորագույն արդյունաբերական ձեռնարկություններում գործադուլներ են սկսվել,  աշխատակիցները պահանջել են նոր ընտրություններ անցկացնել և դադարեցրել բռնությունները ցույցերի մասնակիցներին նկատմամբ: Ընդդիմության բոլոր թեկնածուների շտաբները հայտարարել են, որ չեն ընդունում ընտրությունների պաշտոնական արդյունքները: