Ձեր վստահելի աղբյուրը

«Վնասվածքաբանության և օրթոպեդիայի գիտական կենտրոն»-ը արդեն հինգ ամիս է վերապրոֆիլավորվել է, որպես նոր տիպի կորոնավիրուսի դեմ պայքարի կենտրոն: Մարտի 20-ից մինչ օրս սպասարկվել է շուրջ 1800 պացիենտ, այդ թվում 273 բուժում են ստացել վերակենդանացման բաժանմունքում և ունեցել են հիվանդության ծանր և/կամ ծայրահեղ ծանր ընթացք: 

Վնասվածքաբանության և օրթոպեդիայի գիտական կենտրոնի ընդհանուր և օպերատիվ հարցերով փոխտնօրեն Կարեն Պողոսյանն ամփոփ ներկայացրել է  իրենց կենտրոնի կատարած աշխատանքը վերջին 5 ամսում.

Շուրջ 150 նոր աշխատատեղերի ստեղծում:
28.05.2020թ.  գործարկվել է «Հատուկ խնամքի» բաժանմունքը, որը մինչ այժմ սպասարկել է 80 պացիենտ, որոնք բոլորը ունեցել են ինքնուրույն տեղաշարժվելու և ինքնասպասարկման խնդիր:
Վերաբացվել է նոր ինֆեկցիոն բաժանմունք:
Հիվանդանոցում ամենատարեց պացիենտը եղել է 96 տարեկան, ով առողջացմամբ դուրս է գրվել հենց հատուկ խնամքի բաժանմունքից:

Այս ընթացքում բարձր մակարդակով և անխափան բուժսպասարկում ապահովելու նպատակով կենտրոնը համալրվել է.
    Նոր թթվածնային կայանով.
    Հոսանքի գեներատորով.
    Մահճակալային ֆոնդը ավելացվել է հասնելով 192-ի այդ թվում վերակենդանացման բաժանմունքում հասնելով 22-ի:
    Ճառագայթային ախտորոշման բաժանմունքի համալրում նորագույն շարժական ռետնգեն սարքով և ռենտգենի թվայնացման սարքով։
    Լաբորատոր-գործիքային ախտորոշման բաժանմունքը համալրվել է նոր սերնդի կիսաավտոմատ և ավտոմատ բիոքիմիական անալիզատորներով և այլ տարատեսակ լաբորատոր սարքավորումներով։
    Ինչպես նաև կենտրոնը համալրվել է նոր թոքերի արհեստական շնչառության սարքավորումներով ,
պացիենտի համար նախատեսված մոնիթորներով և այլ սարքավորումներով:
    Կատարվել է հիվանդանոցի շենքային պայմանների բարելավում, նորոգման աշխատանքներ և գույքային վերազինում: