Ձեր վստահելի աղբյուրը

«Խնդիրը ոչ թե նախարար Արայիկ Հարությունյանն է,  այլ Նիկոլ Փաշինյանը, քանի որ Հարությունյանը Փաշինյանի ամենանվիրված կադրերից մեկն է,»,- ասուլիսում ասաց մեդիափորձագետ Տիգրան Քոչարյանը։ 

Նա նշեց, որ  այդպիսի հավատարմության պաշար ունեցող պաշտոնյա Փաշինյանը մաքսիմում 1-2 հոգի ունի, դրա համար սպասել, որ նա  երբևէ կազատի Հարությունյանին,  նույնն է, սպասել, երբ Փաշինյանը կազատվի ինքն իրենից։

Տ.Քոչարյանի խոսքով, նախարարներ Արայիկ Հարությունյանի ու Արսեն Թորոսյանի գործողությունները հիմնականում վնասում են Փաշինյանի ռեյտինգը դա ճիշտ ներկայացնելու եղանակով քաղաքական ուժերը կարող են նվազեցնել Փաշինյանի ռեյտինգը կամ մոտ ապագայում կամ  ընտրություններին իշխանափոխություն իրականացնելու համար։

«Այսինքն ես չեմ տեսնում որևէ վնաս, անիմաստություն նախարարի հրաժարականը պահանջող բողոքի ակցիաներից, բայց պետք է բոլորը հասկանան, որ թիրախը պետք է լինի Նիկոլ Փաշինյանը»,- ասաց նա։

Տ.Քոչարյաննը նշեց, որ Փաշինյանը մի քանի հենասյուների վրա է, որոնցից մեկը Սորոսն է, մյուսը նիկոլականների թևը, որոնք հավատարիմ են Փաշինյանին։

«Հաշվի առնելով աշխարհաքաղաքական  տենդենցները՝ նա փորձում է  ինչ որ ձևի բալանսավորել, սորոսականներին շատ չթողնի, որ շատ ներթափանցեն, բայց մյուս կողմից էլ հասկանում է, որ սորոսական թևն ունի լավ մեդիա ռեսուրսներ, որոնք ցանկության դեպքում կարող են աշխատել Փաշինյանի դեմ, նվազեցնեն ռեյտինգը, նաև չի ուզում ՌԴ հետ հարաբերություններն  ավելի վատացնել։ Այդ պատճառով փորձում է  բալանսավորել, բայց քաղաքական փորձը կամ իր խորհրդականները կկարողանա՞ն ճիշտ խորհուրդներ տալ, որ պահի բալանսավորումը։ Տեսնում ենք, որ սորոսական թևն ավելի ու ավելի է  խորացնում իր ներկայությունն իշխանությունում։ Նաև շատ բան կախված կլինի ԱՄՆ ընտրություններից։ Եթե Դեմոկրատական կուսակցությունը հաղթի, Փաշինյանի գործերն ավելի  կհեշտանան, որովհետև տեսնում ենք, որ հիմնական կապերը, որոնք փորձում են պահել  Փաշինյանն ու նրա շրջապատը, Դեմոկրատական կուսակցությունն է  սենատոր Ադամ Շիֆից սկսած վերջացրած այն դեմոկրատական բջիջներով, որոնք ամբողջ աշխարհում սփռված են»,- ասաց նա։

Հարցին՝ այդ դեպքում ինչպե՞ս կբացատրեք ԱԺ փոխնախագահ Ալեն Սիմոնյանի՝ Սորոսի հասցեին հնչեցրած հայտարարությունը,  Տ. Քոչարյան ասաց. «Բոլորս գիտենք, որ Սիմոնյանը հաճախ ասում է այն, ինչ չի ուզում ասել Փաշինյանը հանրայնորեն։ Հնարավոր է, որ որևէ հարցումը համը հանել էին սորոսականները, Սիմոնյանի շուրթերով նման բան ասվեց»։ 

Նա նշեց, որ, օրինակ, Ամուլսարի շահագործման դեմ բացի ազնիվ պաշտապաններից, կա սորոսականների բրիգատ, որոնք անընդհատ տաքացնում են հարցը։ 

«Եթե Սորոսն ուզի փոխել Փաշինյանին, իհարկե, պետք է լինի պալատական, քվեարկությամբ չի ստացվի, քանի որ Փաշինյանը դեռ դաշտում պահում է առավելագույն ռեյտինգը»,- ասաց Տ. Քոչարյանը։