Ձեր վստահելի աղբյուրը

Բողոքի ցույցերի լուսաբանման ընթացքում Բելառուսից վտարված ռուս լրագրողների անձնագրերը Ռուսաստանում անվավեր են ճանաչվել, փոխանցում է «Գազետա.ռու»-ն՝ հղում տալով ՌԴ ՆԳՆ-ին։

Ինչպես հայտնել է նախարարությունը, ռուսական անձնագրերում դրոշմավորվել է հանրապետություն մուտքի արգելք՝ հնգամյա ժամկետով: Այս նշանները նախատեսված չեն Ռուսաստանի իրավական կանոնակարգերով, ինչը հանգեցրել է փաստաթղթերի չեղյալ հայտարարմանը:

Նշվում է, որ Ռուսաստանի Կառավարության որոշման համաձայն «Ռուսաստանի Դաշնության քաղաքացու անձնագրին վերաբերող կանոնակարգը հաստատելու, Ռուսաստանի Դաշնության քաղաքացու անձնագրի նմուշի ձևը և նկարագրությունը հաստատելու մասին» օրենքով արգելվում է անձնագրում գրառումներ կատարել, որոնք նախատեսված չեն սույն հրամանագրով:

Ներքին գործերի նախարարությունը նաև պարզաբանել է, որ լրագրողները պատասխանատվության չեն ենթարկվելու փաստաթղթերը վնասելու համար, քանի որ նրանք մեղավոր չեն կատարվածի համար: