Ձեր վստահելի աղբյուրը

Ուկրաինայի կառավարությունը մտադիր է մինչև սեպտեմբերի վերջ փակել պետական սահմանը օտարերկրացիների համար։Վկայակոչելով վարչապետ Դենիս Շմիգալի խոսքը՝ փոխանցում է «Ռիա Նովոստի»-ն։

Նա նշել է, որ այդ որոշումը կապված է կորոնավիրուսային վարակի տարածման հետ:

«Հիվանդության դեպքերի մակարդակի հետ կապված մենք պետք է քայլեր ձեռք առնենք՝ պաշտպանելու մեր հայրենակիցներին և պատասխանատվություն ցուցաբերելու մեր արտասահմանյան գործընկերների նկատմամբ», - ասել է Կառավարության ղեկավարը:

Միայն նրանց է թույլատրվելու երկիր մուտք գործել, ովքեր ունեն բնակության թույլտվություն կամ միջազգային կամ մարդասիրական առաքելությունների անդամ են։

Վերջին տվյալների համաձայն, Ուկրաինայում, ընդհանուր առմամբ, մոտ 110 հազար մարդ վարակվել է կորոնավիրուսով, մահացել է 2,354 հիվանդ: Այսօր Կառավարությունը նաև մինչև նոյեմբեր երկարաձգել  է կարանտինային ռեժիմը։