Ձեր վստահելի աղբյուրը

«Ամենաառաջինըч երեխաների մոտ թթվածնային քաղց կարող է առաջանալ»,- այսօր լրագրողների հետ հանդիպմանն ասաց  «Պարացելսուս»  ՀԿ հիմնադիր, բժիշկ Նունե Ներսիսյանը՝ անդրադառնալով դպրոցներում բժշկական դիմակների պարտադիր կրմանը։

Նրա խոսքով, դիմակի կրման պարագայում թթվածնի քանակը դեպի գլխուղեղ պակասում է, և երեխաների մոտ առաջանում են մտավոր թուլություններ, ընկնում է նրանց աշխատունակությունը, կորում է նաև աշխուժությունը։

«Բացի այդ, դիմակների պատճառով կարող են երեխաների մոտ առաջանալ տարբեր տեսակի ալերգիաներ, ալերգիկ ցաներ։ Իսկ ածխաթթու գազը հետ շնչելու պատճառով կարող է արյան մեջ բաղադրության փոփոխություն առաջանալ, ինչի հետևանքով էլ ընդհանուր օրգանիզմում հորմոնային ֆոնի փոփոխություններ կարող են լինել։ Եվ այդ պատճառով առողջ սերնդի մոտ կարող են որոշ խնդիրներ առաջ գալ»,- ներկայացրեց բժիշկը։

Նա նաև շեշտեց, որ մարդկանց մոտ ամենաանբարենպաստ միջավայրը բերանի խոռոչն է, որտեղ բակտերիաների քանակը շատ է. Այդ երեխաները չեն կարող դիմակից ճիշտ օգտվել, ինչի պատճառով և մենք ունենալու են ինքնավարակման դեպքեր։

«Ամեն ինչ կարող է լինել դիմակի հետևանքով, քանի որ առաջանալու է սուր թթվածնային քաղց։ Եվ հետո, ամենակարևոր խնդիրներից է այն, թե ով է դիմակներ տրամադրելու դպրոցներին։ Մենք այսօր երկրում ունենք շատ լուրջ սոցիալական խնդիր, և երեխաները, եթե օգտվելու են սովորական 50-60 դրամանոց դիմակներից, կամ այն դիմակներից, որոնք ոչ սանիտարական պայմաններում են կարվում, անհասկանալի է՝ ինչի համար են օգտագործելու այդ դիմակները։ Իսկ եթե նրանք պետք է օգտվեն իրական բժշկական դիմակներից, որոնք արժեն 700-800 դրամ... տուն կա, որտեղ 3-4 դպրոցական է ապրում, ու այդտեղ ասենք ծնղներից մեկն է աշխատում։ 

Ես չեմ պատկերացնում, թե ինչպես կարող են այդ մարդիկ օրական 3-4 դիմակ գնել։ Ես չգիտեմ, թե ոնց է դա պատկերացնում նախարարը»,- ներկայացրեց Նունե Ներսիսյանը։

Այնուամենայնիվ, բանախոսի կարծիքով, չի կարելի այս հարցում միայն ԿԳՄՍ նախարարին մեղադրել, քանի որ առաջին հերթին նրան այս ամենի մասին պետք է տեղեկացներ առողջապահության նախարարը։

Նա պետք է տեղյակ պահեր, որ երեխաներին չի կարելի դիմակ կրել.

«Նրանք ամբողջ ամառ իրար հետ բակերում խաղացել են, չէ՞։ Ոնց նայում ես՝ երեխաներն իրար հետ են, ու վարակի դեպքերն այդ պաճառով չեն ավելացել։ Բայց ես կարծում եմ, որ սեպտեմբերի 15-ից հետո դեպքերի թվի աճ է լինելու,  բայց  ոչ թե վիրուսի, այլ տարբեր հիվանդությունների  պատճառով»։

Հարցին, թե ինչպե՞ս ավելի ճիշտ կլիներ կազմակերպել դասապրոցեսը, Նունե Ներսիսյանը պատասխանեց՝ ուղղակի պետք էր երեխաներին թողնել սեպտեմբերի մեկից նորմալ, բնականոն հունով գնալ դպրոց, ծնողներն էլ մի փոքր ավելի ուշադիր լինեին։

«Իսկ դպրոցներում պետք էր ուղղակի պահել սոցիալական հեռավորություն, դասասենյակներնը պետք է օդափոխեին, երեխաների հիգիենային հետևեին, և վերջ։ Իսկ այս խստացումների ու շոուի պատճառով մենք ունենալու ենք տարբեր հիվանդությունների թվի աճ»,- վստահեցրեց Նունե Ներսիսյանը։