Ձեր վստահելի աղբյուրը

Վաշինգտոնը պատժամիջոցներ է կիրառել այն ռուս գիտնականների և մասնագետների նկատմամբ, ովքեր կորոնավիրուսի դեմ պատվաստանյութ էին ստեղծում: Այս մասին հայտնում է «Գազետա.ռու»-ն ՝ վկայակոչելով ՌԴ ԱԳՆ պաշտոնական ներկայացուցիչ Մարիա Զախարովայի խոսքը։

«Ռուսական կողմն այս իրադարձությունը համարում է խիստ զայրացնող»,-նշել է Զախարովան:

Նրա կարծիքով, սա ԱՄՆ-ի կողմից կորոնավիրուսի դեմ պատվաստանյութերի արտադրության և բաշխման հարցում անբարեխիղճ մրցակցություն վարելու փորձ է`ի շահ սեփական դեղագործական ընկերությունների առաջխաղացման:

«Մենք վստահ չենք, որ սա համաճարակի դեմ պայքարում համագործակցության ճիշտ քայլն է», - ասել է Զախարովան:

Օգոստոսի 26-ին ԱՄՆ-ը պատժամիջոցների ցուցակներում ավելացրել է Ռուսաստանի հետազոտական հինգ ինստիտուտներ՝ նրանց կասկածելով քիմիական և կենսաբանական զենքի ստեղծման վրա աշխատելու մեջ: Այս ցանկում ներառված է Ռուսաստանի պաշտպանության նախարարության 48-րդ կենտրոնական հետազոտական ինստիտուտը, որը Գամալեայի կենտրոնի հետ միասին ստեղծել է COVID-19- ի դեմ պատվաստանյութ։