Ձեր վստահելի աղբյուրը

Կորոնավիրուսով վարակվել են ԱՄՆ-ի գաղտնի ծառայության տասնյակ աշխատակիցներ՝ համաճարակի ընթացքում նախագահ Դոնալդ Թրամփի և փոխնախագահ Մայքլ Պենի հետ երկրի տարածքով բազմաթիվ այցերի պատճառով: 360tv.ru-ի հաղորդմամբ, այս մասին գրում է Washington Post թերթը՝ վկայակոչելով իր աղբյուրները:

Թերթը պնդում է, որ վերջին երկու ամիսների ընթացքում տասնյակ հատուկ գործակալներ, ովքեր ուղեկցում էին Սպիտակ տան ղեկավարին նրա նախընտրական արշավի կամ այլ աշխատանքային գործուղումների ընթացքում, հիվանդացել են կամ  կարանտինում են եղել:

Գերատեսչությունում հիվանդության աճի տեմպը բացատրել են կատարված թեստերի քանակի ավելացմամբ: Պարբերականին փորձագետները կարծիք են հայտնել, որ վարակ դեպքերի աճը կապված է զանգվածային իրադարձությունների հետ, որոնք Թրամփը դեռ անցկացնում է: Բժիշկները խորհուրդ են տալիս ժամանակավորապես դադարեցնել մեծ թվով մարդկանց մեկ տեղում հավաքելը:

Գաղտնի ծառայությունը չի նշել վարակվածների ճշգրիտ թիվը: Սպիտակ տան խոսնակը հայտարարել է, որ ԱՄՆ առաջնորդը լուրջ է վերաբերվում իրեն ուղեկցող աշխատակիցների առողջությանն ու անվտանգությանը:

Միացյալ Նահանգների գաղտնի ծառայությունը մասնագիտացած է բարձրաստիճան պաշտոնյաների պաշտպանության ոլորտում, մասնավորապես, նախագահի և փոխնախագահի: Գերատեսչությունը պաշտպանում է նաև պետական կառույցները:

Վերջին տվյակներով, ԱՄՆ-ը շարունակում է կորոնավիրուսով վարակվածների թվով աշխարհում առաջին պետությունը լինել։  Երկրում հաստատված է վարակման 5,9 միլիոն դեպք։