Ձեր վստահելի աղբյուրը

Վարչապետ Նիկոլ Փաշինյանն աշխատանքային այցով մեկնել է Սյունքի մարզ։ Նա իր ֆեյսբուքյան էջում տեղեկացրել է, որ այս պահին հանդիպում է Ծղուկ համայնքի բնակիչների հետ։

Հիշեցնենք, որ նախորդ շաբաթ վարչապետն այցելել էր Գեղարքունիքի և Կոտայքի մարզեր, իր խոսքով, տեղում ծանոթանալու համայնքային խնդիրներին։

Վարչապետի նման քայլը ոչ միանշանակ էր ընկալվել։ Քաղաքական գործիչներից շատերը նրան քննադատեցին, քանի որ, նրանց պնդմամբ,  այդ ամենը պետք է անեին վարչապետի ենթակաները և նրան զեկուցեին իրավիճակի մասին. «Այս պահին ավելի կարևոր մարտահրավերներ կան։ Իսկ մեզ մոտ ամեն ինչ անում է վարչապետը, քանի որ կադր ու թիմ չունի»։

Բացի այն, անվտանգության առումով ևս վարչապետի քայլը ոչ ճիշտ է համարվում, քանի որ պետության ղեկավարի անվտանգության աշխատակիցները նամակներ վերցնելով, կոնֆետ բաժանելով են զբաղվում, թեև նրանց գործն ու պատրականությունը դա չէ։