Ձեր վստահելի աղբյուրը

ԱՄՆ-ի ժողովրդավարական քաղաքներում տիրող անկարգությունները կարող են դադարեցվել միայն բռնի ուժով, թվիթերյան իր էջում նման կարծիք է հայտնել ԱՄՆ նախագահ Դոնալդ Թրամփը՝ խոսելով երկրով մեկ տիրող անկարգությունների մասին, փոխանցում է «ՏԱՍՍ»-ը։

«Դեմոկրատների կողմից ղեկավարվող բարձր հանցագործությունների քաղաքներում բռնությունը դադարեցնելու միակ միջոցը հենց բռնի ուժն է»,- գրել է պետության ղեկավարը:

Ամերիկացի առաջնորդը մեկ անգամ ևս քննադատել է Փորթլենդի քաղաքապետ Թեդ Ուիլերին՝ անվանելով նրան խելագար, ձախ արմատական, որը ոչ մի ժողովրդավար քայլ չի անում, և հրահրում է զանգվածային ավերածություններ ու անկարգություններ։

«Փորթլանդի ժողովուրդը, ինչպես և մեր մեծ երկրի բոլոր քաղաքների բնակիչները, ցանկանում են օրենք և կարգուկանոն։ Իսկ ձախ դեմոկրատական քաղաքագլուխները, Փորթլանդը ղեկավարող հիմարի պես, չեն կարողանում օրենքի ուժը պահել», - կարծում է Թրամփը:

ԱՄՆ նախագահը նաև պնդել է Ազգային գվարդիայի՝ քաղաք մտցնելու անհրաժեշտությունը, թեև տեղական իշխանությունները հրաժարվում են այդ առաջարկից: