Ձեր վստահելի աղբյուրը

«Apple»- ը 75 միլիոն սմարթֆոնների մասերի պատվերներ է տեղադրել այս աշնանը նոր մոդելի գործարկման համար. դա մոտավորապես հավասար է 2018-ին և 2019-ին նոր մոդելի գործարկումների պատվերի ծավալին, փոխանցում է «ՏԱՍՍ»-ը։

Ըստ հեռահաղորդակցական ընկերությանը մոտ կանգնած գործակալության աղբյուրների, նորույթի ներկայացումից հետո կիրականացվեն ևս 5 միլիոն սարքերի լրացուցիչ պատվերներ, որպեսզի մինչև տարեվերջ,  5G աջակցությամբ սմարթֆոնների խանութներ առաքումների ընդհանուր ծավալը կազմի 80 միլիոն միավոր:

Մոտավորապես արտադրության նույն մակարդակն է եղել համաճարակին նախորդող տարիներին: «Apple»-ը մտադիր է շուկա թողարկել այս տարվա համար նախատեսված բոլոր մյուս նոր իրերը`խելացի ժամացույցներ, պլանշետներ, ականջակալներ:

Նշվում է, որ համաճարակը հանգեցրել է բազմաթիվ՝ այդ թվում «Apple»- ին պատկանող խանութների փակմանը և մատակարարման շղթաների խափանմանը: Դա ի սկզբանե հարվածել է շատ ընկերությունների բիզնեսին: Արդյունաբերության աղբյուրները հայտնում են, որ նոր սմարթֆոնի գործարկումը, որն ի սկզբանե նախատեսված էր աշնան սկզբին, հետաձգվել է մի քանի շաբաթով: