Ձեր վստահելի աղբյուրը

Ամերիկյան «Amazon» կորպորացիայի ղեկավար Ջեֆ Բեզոսի նախկին կնոջ՝ Մաքքենզի Սքոթի կարողությունը գնահատվում է 68 միլիարդ դոլար, ինչը նրան դարձնում է աշխարհի ամենահարուստ կինը, փոխանցում է «Բլումբերգ»-ը։

Սքոթը ցուցակում առաջ է անցել Ֆրանսուազ Բետենկուր-Մայերսից, ով «L'Oreal» կոսմետիկայի ընկերության սեփականատերն է: Այս պահին, ըստ «Բլումբերգ»-ի, ֆրանսիացի ձեռնարկատիրոջ կարողությունը գնահատվում է 66,8 միլիարդ դոլար:

Հուլիսին Սքոթը ճանաչվել է ԱՄՆ-ի ամենահարուստ կինը՝ առաջ անցնելով »Walmart» մանրածախ ցանցի հիմնադիր Ալիս Ուոլթոնի աղջկանից, որն, ըստ գործակալության վերջին գնահատականների, ունի 63,6 միլիարդ դոլար: Աշխարհի ամենահարուստ մարդկանց ընդհանուր վարկանիշում Բեզոսի նախկին կինն այժմ զբաղեցնում է 12-րդ տեղը:

Անցյալ տարվա հուլիսին Սքոթը ամուսնալուծության արդյունքում ստացավ աշխարհի խոշորագույն «Amazon» ընկերության բաժնետոմսերի 4%-ը: Պաշտոնական ամուսնալուծության պահին դրանց արժեքը կազմել է մոտ 38,3 միլիարդ դոլար: Սակայն համաճարակի ընթացքում ընկերության բաժնետոմսերի արժեքը կտրուկ աճել է:

Բեզոսի ունեցվածքը ներկայումս կազմում է $ 207 միլիարդ դոլար: Ավելի վաղ նա դարձել էր առաջին մարդը, ում կարողությունը գերազանցում էր $ 200 միլիարդը։