Ձեր վստահելի աղբյուրը

Արցախում պատրաստվող «Լեռնային ծաղիկներ» անվամբ բուսական թեյն արտադրվում է 2020 թվականի հունիսից, Մարտունու շրջանի Թաղավարդ գյուղում: 

«Արցախպրես»-ի  թղթակցի  հետ  զրույցում   «Լեռնային   ծաղիկներ»  բուսական  թեյերի  հիմնադիր  Արմինե  Արզանգուլյանն  ասել է, որ   խոտաբույսերը  հավաքում  են Դիզափայտից, Քիրսից, մի մասն էլ՝ Թաղավարդի անտառներից:

«Հավաքում  ենք  տարբեր  համերի  և օգտակարության խոտաբույսեր, այնուհետև  դրանք   ավանդական  ձևով  չորացնում, որից  հետո փաթեթավորում: Ի  դեպ, խոտաբույսերի     համադրելիության  վերաբերյալ  նախապես  խորհրդակցել  ենք դեղագործի  հետ: Թեյերի  գները  տարբեր  են՝  650-2000  դրամ  արժողությամբ. տարողությունը՝   30  գրամ:  Առայժմ  սպառումն   իրականացնում  ենք պատվերների   և  մեր   ֆեյսբուքյան  էջի  միջոցով»,-ասել  է  նա՝  նշելով, որ   արցախյան  թեյերը մեծ  պահանջարկ ունեն սպառողների շրջանում:

Նա  տեղեկացրել է, որ  առաջիկայում  նախատեսում  են    ընդլայնել   թեյերի  տեսականին  և   արտահանել: Հետագայում նախատեսում  են  նաև   չրերի արտադրություն  և    վաճառք: